Անհրաժեշտություն եմ համարում Գյումրու Հաղթանակի պողոտայի սկզբնամասում վերջերս հայտնված ճանապարհային երթեւեկության հատուկ թելադրանքի նշաններից «Արհեստական անհարթություններ»-ի՝ նույն ինքը ժողովրդական խոսքով ասած՝ «պառկած միլիցեք»-ի հետ կապված մեկ-երկու դիտարկում անել:
Նախընտրում եմ մեջբերել arils.am կայքում տեղադրված «Հավելված N 5» ՀՀ կառավարության 2008 թվականի հունվարի 10-ի N 113-Ն որոշման համաձայն ներկայացվող պահանջները. [...]
Ֆոտոռեպորտաժ
Կենցաղային աղբ՝ գումարած շինարարական… Գյումրիում գտնվող Չերքեզի ձորում գնալով շատանում են աղբակույտերը: Այստեղ աղբահանության հարցը լուծելու համար ամեն օր աղբատար մեքենայի տրամադրումը եւ նման մեթոդով աղբահանության իրականացումը թանկ հաճույք է Գյումրու քաղաքապետարանի համար: Ամեն դեպքում մեզ այդպես է վստահեցնում բնակկոմունալ բաժնի պետ Կնյազ Մանասյանը: Սակայն ոչ միայն ձորն է անմխիթար վիճակում, այլեւ՝ ՙՉերքեզի ձոր՚ գետակը: Դրա մեջ թափված են անգամ կենցաղային իրեր, ասենք՝ հին սառնարան: Եթե այսպես շարունակվի, ինչպես մենք չենք խնայում բնությունը, այնպես էլ բումերանգի էֆեկտով բնությունը հետագայում չի խնայելու մեզ: [...]
Ֆոտոշարք՝ Գյումրու Ավտոկայան տնակային թաղամասից: Լուսանկարներն արվել են երեկ՝ անձրեւի ընթացքում [...]
1.Շիրակի երկրագիտական թանգարան, Արտաշես Բոյաջյանը ցուցադրում է երեկ Գյումրու «Սպիտակ» հիվանդանոցի դիմաց` փողոցի փորվածքում հայտնաբերված 2700-ամյա կճուճը, դեռ պարունակությունը չեն բացել:
2.Շիրակի երկրագիտական թանգարան, Լարիս Եգանյանը ժամերով հողի ու ուլունքների փշրանքներն է լվանում, որպեսզի զատի մեկը մյուսից, ու գտնի երեկ Գյումրու «Սպիտակ» հիվանդանոցի դիմաց` փողոցի փորվածքում հայտնաբերված ՔԱ 1-ին հազարամյակի ուլունքի բոլոր կտորները: [...]
Աղդամի լուսանկարների այս շարքն արվել է 2 տարի առաջ: Ադրբեջանական երբեմնի ծաղկուն ու հարուստների ամառանոց քաղաքից այս է մնացել: Այս է լինում սեփական կարողությունները գերագնահատածների հետ: [...]
Գյումրու մի շարք փողոցներ եւ տնակային թաղամասեր անձրեւից հետո գրեթե անանցանելի են դառնում: Այս լուսանկարներն արվել են ժամը 18-ին Անի թաղմասի Տրդատ Ճարտարապետ փողոցում: Հեղինակ` Սեդա Սերոբյանի: [...]
Անեկդոտ կա: Ուսուցիչն ասում է աշակերտին.
-Սկսիր հաշվել մեկից մինչեւ հարյուր:
-Մեկ, երկու, երեք, չորս, հինգ, վեց, յոթ, ութ, ինը, տաս…
-Տասից հետո…տասից հետո հաշվիր…
-Վալետ, դամա, կառոլ, տուզ… [...]
Գյումրու Խաղաղության օղակի այգին, որ գյումրեցիներին առավել հայտնի է «Բոշի սադ» անվանումով, ոչնչացման խնդրի առաջ է կանգնած: Այգու հատակից արդեն մի քանի տարի ստորգետնյա ջրեր են դուրս գալիս, լցվում այգին ու սպառնում ճահիճի վերածել ամբողջ տարածքը: «Ռոմանտիկա» ֆոտոսրահի աշխատակիցները նշում են, թե արդեն 8 տարի իրենք աշխատում են այդ տարածքում ու ջրի խնդիրը միշտ եղել է, սակայն վերջին տարիներին առվել նկատելի է դարձել: Նրանք նշում են, թե հատկապես ամռան եղանակին ահավոր գարշահոտ է տարածվում, որի շուրջ տարբեր միջատներ են հավաքվում: Ջուրը հիմա տարածվում է ամբողջ այգու մակերեսով ու սկսում հոսել ասֆալտի շերտի վրայով: [...]
Ապրիլի 15-ին «Գյումրի-Ասպարեզ» օրաթերթի ֆոտոխցիկը արձանագրել էր տեղացող անձրեւի տակ՝ Գորկու փողոցում իրականացվող ասֆալտապատման աշխատանքները: Լրագրողները նման փաստերի ականատես էր եղել նաեւ Ալեք Մանուկյան եւ Շառլ Ազնավուրի հրապարակներում: [...]
«Անձրեւային ասֆալտապատման» մեկնարկը Գյումրիում արդեն տրված է: Այն, որ շատ դեպքերում ասֆալտապատման աշխատանքների ժամանակ հաշվի չի առնվում դրանից մեկ օր առաջ տեղացած անձրեւի հետեւանքով խոնավացած գետինը, ասֆալտապատման համար նախապես սահմանազատված հատվածի մեջ լցված անձրեւաջուրը՝ արդեն իսկ նորություն չէ գյումրեցիների համար:
Երեկ եւս ականատես եղանք նման ասֆալտապատման՝ Գորկի փողոցում: Բացառված չէ, որ եթե այդ պահին պաշտոնյաներից փորձենք ճշտել, թե ինչու՞ է տեղացող արձրեւի տակ ասֆալտ փռվում, եղանակի տեսությանը հետեւու՞մ են, թե ոչ՝ կպատասխանեն. [...]
