Կառավարության նոր կազմի վերաբերյալ զրուցեցինք գյումրեցի հասարակական-քաղաքական գործիչների հետ: Նրանցից հետաքրքրվեցինք, թե արդյո՞ք հանրապետությունում ամեն ինչ լավ է եւ նախարարներն այդքան լավ են աշխատել, որ երկրի ղեկավարը նախընտրեց հիմնականում կառավարության կազմը չփոփոխել: Զրուցակիցներս կարծիք հայտնեցին նաեւ Յուրի Վարդանյանի` սպորտի եւ երիտասարդության նախարար նշանակվելու մասին: [...]
Եղեռնի օրը Շիրակի բնակչությունը՝ մեկ մարդու պես, գալիս է Ջարդի ձոր՝ անմեղ զոհերի հիշատակը հարգելու: Այդ օրը ամենատարբեր մասնագիտությունների տեր մարդիկ, մտավորականներ, զինվորականներ, պետական այրեր, հասարակական եւ քաղաքական գործիչներ գալիս են ոգեկոչելու իրենց նահատակներին: Այդ օրը նաեւ մարդիկ խոհերով կիսվելու անհրաժեշտություն են ունենում: Ջարդի ձորում «Գյումրի-Ասպարեզ» օրաթերթն հիշատակման եկած մարդկանց մի փոքր շրջանում հարցում անցկացրեց, թե այս օրն ի՞նչ նշանակություն ունի իրենց համար: Պատասխանները թեեւ տարբեր էին ու ինչ-որ տեղ ավելի հեռուն գնացող, այնուհանդերձ, իմաստային կամ բովանդակային առումով դրանցում ընդհանրությունն առկա էր: [...]
Ապրիլի 9-ին Ազատության հրապարակում, ապա նաեւ Բաղրամյան պողոտայում տեղի ունեցած միջադեպերը ինչքան էլ իշխանական կողմը փորձի որակել համաչափ եւ տեղի ունեցած բախումների մեղքը բարդել ժողովրդի վրա, ամեն դեպքում՝ ակնհայտ է, որ ոստիկանները գործում էին ավանդական սկզբունքով՝ բնությամբ ու սադրանքով ճնշելով շարժման հնարավոր զարգացումները:
«Բռնատիրական պետության սովորական վարքագիծ». ապրիլի 9-ին Երերանում խաղաղ երթերի ընթացքում ոստիկանության ու ցուցարարաների բախումն ու ոստիկանության կողմից ուժի կիրառումն այսպես բնութագրեց «Ժառանգություն» կուսակցության Գյումրու գրասենյակի համակարգող Վահագն Հովհաննիսյանը, ով, անդրադառնալով Արմեն Մարտիրոսյանի հետ տեղի ունեցած միջադեպին, մանրամասնեց. [...]
Նախագահական ընտրությյուններից հետո բազմաթիվ քաղաքացիներ մասնակցում են հանրահավաքների ու բողոքի ակցիաների՝ հանրապետության ու արտերկրի տարբեր քաղաքներում: Օրեր առաջ Սերժ Սարգսյանը իր հրավիրած ասուլիսում, իր կարծիքով, շատ հարցերի պատսխանեց, վրդովվեց, բարկացավ, նույնիսկ իր խոսքում նշեց, որ ինքն է ՀՀ նախագահը եւ ինչ ուզի կանի, սակայն չի անում: Խոսելով Րաֆֆի Հոհվաննիսյանին սատարած եւ մինջեւ հիմա սատարող մարդկանց մասին, ասաց նաեւ, որ Ազատության հրապարակում չկան այն բազմահազար մարդիկ, ովքեր ընտրել են նրան: Սերժ Սարգսյանը, թերեւս, մոռանում է, որ շատ մարդիկ իրենց բողոքը տարբեր ձեւ են արտահայտում, հատկապես վերջերս լայն շրջանառության մեջ մտած բաց կամ փակ նամակների միջոցով: [...]
Մարտի 8-ը մայրության եւ գեղեցկության տոնն է, որը սկիզբ է դնում կանանց առանձնակի ուշադրություն դարձնելու միամսյակի: Սա գարնանային առաջին տոնն է՝ արթնացող բնության առաջին ժպիտներով:
«Կանանց տոնը ոչ թե կարեւոր, այլ շատ կարեւոր է, քանի որ առանց մեր սիրելի մայրերի, քույրերի եւ կանանց, կյանքն ուղղակի անհնար է պատկերացնել»,- ասում է ԱԺ պատգամավոր Էդմոն Մարուքյանն ու հավելում, որ կանանց տոնը տարվա մեջ մեկ անգամ չէ, որ պետք է նշել, այլ ուղղակի ամեն պատեհ առիթ պետք է օգտագործել, որպեսզի մեր սիրելի կանայք աղջիկներն իրենց անընդհատ գնահատված ու սիրված զգան. «Օգտվելով առիթից՝ ջերմորեն շնորհավորում եմ մեր սիրելի մայրերին, կանանց, քույրերին եւ դուստրերին այս հրաշալի տոնի կապակցությամբ, մաղթում առողջություն, երջանկություն, հաջողություն եւ անսահման սեր»: [...]
Նարինե Ավետիսյան, «Լոռի» հեռուսատընկերության գործադիր տնօրեն. -Ինձ ուրախացնում է հենց նվեր ստանալու երեւույթը, կարևոր չէ, թե ինչ նվեր է: Իմ կարծիքով, բոլորն էլ մանկությունից իրենց հետ բերել են նվեր ստանալու բերկրանքը, բայց ոմանք դա թաքցնում են, ես՝ ոչ: Մինչեւ հիմա էլ անհամբեր սպասում եմ ծննդյանս օրվան, որ ընկերներս ինձ նվերներ տան, ես էլ անհամբեր բացեմ ու ուրախանամ: Ամենաշատը ստացել եմ գրիչներ, երեւի որպես մասնագիտական նվեր: Մի ժամանակ տխրում էի, որ մարտի 8-ին եմ ծնվել, հիմա` ոչ, որովհետեւ մարտի 8-ին բոլորն ուրախ են, բոլորը ժպտում են: [...]
ՀՀ կառավարությունը փետրվարի 28-ին կայացած նիստի ժամանակ որոշել է Աշոտ Գիզիրյանին ազատել Հայաստանի Հանրապետության Շիրակի մարզպետի պաշտոնից՝ իր դիմումի համաձայն: Այսպիսով, Շիրակի մարզպետի պաշտոնը թափուր է: Ով կլինի նոր մարզպետը, առայժմ հայտնի չէ: Այսօր տարբեր ոլորտի մարդկանցից հետաքրքրվեցինք՝ եթե իրենց առաջարկեն Շիրակի մարզպետի պաշտոնը, կընդունե՞ն արդյոք այդ առաջարկը: [...]
Նախօրեին «Նախախորհրդարան» շարժման մասնակիցները Գյումրիում հրավիրած ասուլիսի ընթացքում խոսեցին նաեւ այն մասին, թե մարտի 1-ի սցենարները ինչ հավանականություն ունեն դարձյալ կրկնվելու:
-Հիմա մենք գործ ունենք այլ իրավիճակի հետ: Ռազմավարական ուրիշ ծրագիր է առաջարկվում Ր.Հովհաննիսյանի կողմից, որը չի ավարտվում սահմանադրական դատարանի որոշումով, այլ ենթադրում է մի անցումային շրջան, որը շատ նման է 1988թ. երկիշխանության վիճակին: Այսինքն՝ մենք գործ ունենք ուրիշ ռազմավարության հետ, ուրիշ իրավիճակի հետ,- նկատեց շարժման անդամ Գարեգին Չուքասզյանը: [...]
Վանաձորի քաղաքապետը Hetq.am-ին տված հարցազրույցի ժամանակ ոչ ավել, ոչ պակաս վանաձորցիներին անգիտակից է անվանել` ընտրությունների անսպասելի արդյունքները կապելով հենց այդ հանգամանքի հետ:
Քաղաքագլխի կողմից անուղղակիորեն անհասկացող եւ ուղղակիորեն անգիտակից հորջորջված վանաձորցիներից փորձեցինք ճշտել իրենց կարծիքն ու այս հայտարարության շուրջ մեկնաբանություններ ստանալ: Պարզվում է` մեր քաղաքի մտավորականության մի մասը միահամուռ այս երկու օրերին բացակայել է քաղաքից: Է՛լ արվեստագետ, է՛լ մարզիկ, է՛լ բանաստեղծ, է՛լ գրող…… կամ լրահոսին չեն հետեւել կամ «քաղաքից բացակայել ու նոր են եկել»: Երբ համառորեն փորձում էի իրենց ներկայացնել հայտարարության բովանդակությունը` մեջբերելով Սամվել Դարբինյանի խոսքերը, զրուցակիցներս զարմացած պատասխանում էին. «Դե գիտեք, հնարավոր է մեկ ստորակետ կամ խոսքի հնչերանգ բոլորովին այլ երանգ տան խոսքին, այնուամենայնիվ, հետաքրքիր էր, բայց, ցավոք, շտապում եմ, չեմ կարող խոսել»: [...]
Փետրվարի 21-ին hetq.am-ի հետ ունեցած հարցազրույցում, Վանաձորի քաղաքապետ Սամվել Դարբինյանը իր համաքաղաքացիներին անվանել է անգիտակից: Նշենք, որ այս խոսքերը քաղաքապետը հնչեցրել է՝ պատասխանելով նախագահական ընտրությունների արդյունքների վերաբերյալ հարցին, մասնավորապես Վանաձորում Սերժ Սարգսյանի հավաքած ցածր քվեներին: «Դա մեր առաջնորդի պարտությունը չէր, դա մեր ժողովրդի անգիտակից լինելն էր, որ ժողովուրդը չի հասկանում` ինչ է անում»: Այս համարձակ խոսքերով քաղաքապետը առաջացրեց վանաձորցիների վրդովմունքը: [...]
