Նշումների արխիվ` Ասուլիս

ՀՀ վաստակավոր մարզիչ, Գյումրիում մականախաղի, «Սպորտ սիթի» ծրագրի հիմնադիր Հրանտ Պետրոսյանը այսօր ասուլիս էր հրավիրել: Ասուլիսի հիմնական նպատակը, ինչպես նշեց նա, Գյումրիում աղջիկների ֆուտբոլի թիմի ստեղծման մասին խոսելն էր: Նրա տեղեկացմամբ` դպրոցներում արդեն ծնողական ժողովներ անցկացվել են, երեխաներն արդեն ցուցակագրվել են, շատերին ուրախացրել է այն փաստը, որ ի վերջո կանանց ֆուտբոլի թիմ է բացվելու Գյումրիում:

-Շատ աղջիկներ կան, որոնց տանը փակցված են Ռոնալդոյի, Մեսսիի նկարները, նույնիսկ մի ծնող ասաց, թե իրենց տանը էլ բան չի մնացել, աղջիկը գնդակով ամբողջը ջարդել է` տունը ֆուտբոլ խաղալու պատճառով: Ամենակարեւորը, որ մեր երեխաներն ունենան ընտրության հնարավորություն, ով ուզում է նվագի` նվագի, ով ուզում է երգի` երգի, իսկ ով ուզում է խաղալ` խաղա: Ես համոզված եմ, որ Գյումրու աղջիկները 5 տարվա ընթացքում հաջողության կհասնեն: [...]

Շիրակի մարզում 2013թ. ընթացքում 20 մլրդ դրամի շինմոնտաժային աշխատանքներ են իրականացվելու, որից 15-16 մլրդ դրամը հատկացվելու է միայն Գյումրիում իրականացվող աշխատանքներին: Հատկացված գումարից 10 մլրդ դրամը պետական միջոցներից է, մյուսը՝ մասնավոր ներդրողների կողմից: [...]

Ի պաշտպանություն փաստաբան Թամարա Յայլոյանի՝ մայիսի 3-ին Գյումրիում էին ՀՀ փաստաբանների պալատի մի խումբ անդամներ, այդ թվում՝ փաստաբանների պալատի նախագահի տեղակալ Արա Զոհրաբյանը: Փաստաբանները նախ հանդիպում էին ունեցել Ոստիկանություն Գյումրու բաժնի պետ Սարգիս Մարտիրոսյանի, ապա նաեւ Շիրակի մարզի դատախազ Կարեն Շահբազյանի հետ:  Ա.Զոհրաբյանը վստահեցրեց, որ Փաստաբանների պալատը դիմում է ստացել Թամարա Յայլոյանից: Ա.Զոհրաբյանի մեկնաբանմամբ՝ փաստաբանական համայնքը ուշադիր է իր անդամների նկատմամբ, պարտավորված է զգում իր անդամների շահերը պաշտպանելու հարցում եւ չի հանդուրժի փաստաբանների նկատմամբ սպալնալիքի ու կոպիտ վերաբերմունքի դրսեւորումներ: Անդրադառնալով Գյումրիում ունեցած հանդիպումներին՝ Ա.Զուրաբյանը  նշեց. [...]

Սրբազանը շնորհավորել ու դիտողություններ է արել լրագրողներին

-Մամուլի ազատությունն անհրաժեշտություն է, ինչպես օդը, թթվածինն ու մյուս ազատություններն են անհրաժեշտություն, բայց այդ ազատություննը նաեւ նրա համար է, որ տեսնես անտեսանելին, – մայիսի 3-ին՝ մամուլի ազատության միջազգային օրը, մարզի լրագրողների հետ հանդիպման ժամանակ ասաց  Շիրակի թեմի հոգեւոր առաջնորդ Միքայել Եպիսկոպոս Աջապահյանը: -Բաներ կան, որ մենք՝ իբրեւ հոգեւորական պարտավոր ենք որոշակի ձեւով մատուցել, չենք կարող ձեզ նման մատուցել: Ոչ թե որովհետեւ վախկոտ ենք, այլ որովհետեւ շատ բաներ մեզ պատշաճ չէ ասել: Այ դա հասկանալ է պետք: [...]

Այսօր  «Ասպարեզ» ակումբում հրավիրված մամլո ասուլիսի ժամանակ  Նախախորհրդարանի անդամներն անդրադարձան  Գյումրիում հնչած կրակոցներին, դրանց վերաբերյալ ոստիկանապետի հնչեցրած գնահատականներին:  Նրանք նշեցին, որ միջկլանային պատերազմները վտանգավոր են, քանի որ դրանից անմեղ մարդիկ էլ են տուժում, եւ առանձնապես  հետաքրքիր էլ չեն:

«Գյումրիում էս վիճակը, որքան գիտեմ, նոր չի ստեղծվել: Գործող դերակատարներն են միգուցե փոխվել, առաջատարները գնացել են մի քիչ երկրորդական, երկրորդականները եկել առաջին դիրք:  Ինձ թվում է, որ 30 միավոր զենքի մասին ոստիկանությունը նոր չէ, որ իմացավ: Միգուցե գիտեն եւս 300  միավոր զենքի տեղ, բայց, ըստ իրենց,  այսօր դեռ ժամանակը չի»,-ասաց նախախորհրդարանի անդամներից Վարդան Հակոբյանը: [...]

Այսօր Շիրակի մարզի դատախազ Կարեն Շահբազյանը կրկին հանդիպում ունեցավ լրագրողների հետ: Հանդիպման սկզբում նա նախ խոսեց մայիսի 1-ին Ժուռնալիստների «Ասպարեզ» ակումբում փաստաբան Թամարա Յայլոյանի հնչեցրած այն հայտարարություններին, թե ապրիլի 23-ին, որպես Գյումրիում հնչած կրակոցների գործով վկա Կոլյա Ղուկասյանի փաստաբան,  Ոստիկանության Գյումրու բաժին գնալու ժամանակ ստացել է սպառնալիքներ եւ արժանացել կոպիտ վերաբերմունքի՝ ոստիկանության որոշ աշխատակիցների կողմից: Դատախազը նշեց, որ դեպքի օրը ինքը եւս եղել է ոստիկանությունում, տեսել է Թամարա Յայլոյանին, բայց վերջինս ոստիկանության բաժնում նրան որեւէ բան չի ասել այդ մասին: [...]

-Ինչպես գիտեք, ես քրեական գործերում, ընդ որում՝ բավականին աղմկոտ գործերում, որպես փաստաբան հաճակախի ներգրավված եմ եղել: Բազմաթիվ անգամներ, երբ ես եղել եմ Գյումրու ոստիկանությունում՝ իմ հասցեին սպառնալիքներ են տեղացել, որ ինձ վնաս կտան, գլխիս գործ կսարքեն, ու թե ինչո՞ւ եմ կրակոցներ լսելու դեպքում հայտնվում Գյումրու ոստիկանությունում,-այսօր «Ասպարեզ» ակումբում հրավիրված ասուլիսի ժամանակ հայտարարեց փաստաբան Թամարա Յայլոյանը: [...]

«Մեր ճակատագիրը, մեր վաղվա օրը մեր ձեռքերում է»- նշեց Ր. Հովհաննիսյանը վանաձորցիների հետ հանդիպման ժամանակ: Ապրիլի 22-ին իր մարզային այցելությունների շրջանակներում Ր. Հովհաննիսյանը եւս մեկ անգամ շնորհակալություն հայտնեց վանաձորցիներին՝ իրենց ձայնը փետրվարի 18-ին իրեն վստահելու համար, եւ վստահեցրեց, որ պայքարը ապրիլի 9-ով չի վերջանում, այդ ամենը դեռեւս տեւական ընթացք պետք է ունենա: [...]

Ապրիլի 25-ին Երեւանի գեղարվեստի պետական ակադեմիայի Գյումրու մասնաճյուղի դահլիճում Հայոց Մեծ եղեռնին նվիրված համերգով կներկայանա Գյումրու Սուրբ Աստվածածին եկեղեցու երգչախումբը: Սպասվելիք հանդիպումից մի քանի օր առաջ երգչախմբի անդամներն հանդես եկան մամուլի ասուլիսով: Այդ օրը կատարումներով կներկայանան երգչախմբի գեղարվեստական ղեկավար Սաթիկ Վարդանյանը, նաեւ Գյումրու սիմֆոնիկ նվագախումբն ու Սաթիկ Վարդանյանի դուստր, օպերայի երգչուհի Արեւիկ Գրիգորյանը: [...]

Ապրիլի 9-ին Ժուռնալիստների «Ասպարեզ» ակումբում հրավիրված մամուլի ասուլիսի ժամանակ Գյումրու թիվ 27՝ «Հուսո Առագաստ» մանկապարտեզ ՀՈԱԿ-ում  2008 թվականից որպես դաստիարակչուհի աշխատած Ֆլորա Սարգսյանը բողոքում է, որ այժմ իրեն չեն թողնում աշխատել մանկապարտեզում: [...]