Կյանքում շատ խնդիրներ կան, որոնց լուծման համար մարդիկ իրավաբանի խորհրդատվության կարիք ունեն: Դրանք կարող են ծագել այս կամ այն պետական հաստատության աշխատակցի հետ շփվելիս, դատական հարցերին առնչվելիս եւ այլ իրավիճակներում: Քաղաքացիներն իրենց իրավունքների խախտման, այլ հարցեր ունենալու դեպքում կարող են դրանք հղել simonyana@rambler.ru հասցեով, որպեսզի դրանց պատասխանները ստանալու համար մենք կարողանանք հարցերը փոխանցել իրավաբանին:
Հարցերին պատասխանում է ՇՊԱԿ համակարգող, իրավախորհրդատու Գայանե Գեւորգյանը
-Ամուսինների ամուսնալուծության դեպքում ինչ հիմունքներով է բաժանվում գույքը:
-Ամենակարեւոր հարցը, որին անդրադառնում է դատարանը, այն է, թե գույքն ինչ ձեւով է ձեռք բերվել, համատեղ սեփականությու՞ն է, թե ամուսիններից մեկի ժառանգությունը: Համատեղ սեփականություն հանդիսացող գույքը քաղաքացիական օրենսգրքի 201-րդ հոդվածի համաձայն, բաժանվում է հավասար բաժիններով: Եթե կինը կամ ամուսինը մինչեւ ամուսնանալը ունեցել են որեւէ գույք, դա իրենց սեփականությունն է հանդիսանում: Չգրանցված ամուսնության դեպքում, ապացուցել, որ գույքը համատեղ սեփականություն է, բավականին դժվար է եւ մեծ խնդիրներ է առաջացնում:
Անահիտ Սիմոնյան
___________________________________________________________________________________________________
Բաժանորդագրություն.
Հարգելի ընթերցող, առաջարկում ենք բաժանորդագրվել «Գյումրի-Ասպարեզ» օրաթերթի թղթե տարբերակը: Այս կայքում հրապարակվում է թերթում լույս տեսած հոդվածների մի մասը միայն: Բաժանորդագրվելիս դուք կտնտեսեք էական գումար: Այսպես. թերթն ամեն օր գնելիս տարեկան ծախսելու եք 25.700 դրամ, իսկ տարեկան բաժանորդագրման դեպքում` ընդամենը 16.000 դրամ: Բաժանորդագրությունն իրականացվում է նաեւ 6 ամսով, 3 եւ 1 ամսով: Բաժանորդագրությունն իրականացվում է առայժմ միայն Գյումրիում:
Բաժանորդագրության առավելությունն այն է, որ անկախ տարվա եղանակից եւ ձեր զբաղվածությունից, դուք ամեն օր ժամը 9-12-ի միջակայքում, պայմանագրում ձեր նշած հասցեում կստանաք թերթը: 8 ամսվա ընթացքում մեր բաժանորդագիրներից որեւէ մեկին թերթը ոչ մի անգամ ուշ չի հասցվել:
Եթե կկամենաք բաժանորդագրվել, պարզապես զանգահարեք (0312) 50622, ձեզ կայցելի գործակալը:
