Անի Մկրտչյան

7 ամիս առաջ Գյումրու քաղաքապետարանում դիմումներ էին ընդունվում սպասվելիք թափուր տեղերն համալրելու նպատակով: 2012 թ. նոյեմբերին Գյումրու գործազուրկ ու նոր քաղաքապետի հետ մեծ հույսեր կապող հարյուրավոր երիտասարդներ մեր աչքի առաջ «ափալ-թափալ» ինքնակենսագրություններով, բարձրագույն կրթությունն հաստատող փաստաթղթերով ու դիմումներով մտնում էին քաղաքապետարան: Մեծ սպասումներ ունեցող քաղաքացիներն համոզված էին՝ ամեն ինչ լավ է լինելու եւ Ամանորից հետո հայտարարվելու են համայնքային ծառայողների մրցույթներ: [...]

Հարցազրույց դասախոս, ավագանու անդամության նախկին թեկնածու Արտակ Հովհաննիսյանի հետ

-Պարոն Հովհաննիսյան, ամիսներ առաջ Դուք Գյումրու ավագանու թեկնածու էիք, սակայն չհաջողվեց հավաքել պահանջված ձայների քանակը: Որպես նախկին թեկնածու ինչպես ե՞ք գնահատում ավագանու ձեւավորված այսօրվա կազմը եւ գործունեությունը:

-Նախ ուրախ եմ, ինչպես նշեցիք, որ չեմ հաղթահարել այդ շեմը կամ չեմ ունեցել պահանջվող ձայների քանակը, որովհետեւ, անկեղծ ասած, հետագա գործողությունները ցույց տվեցին, որ թերեւս ճիշտ էր չհայտնվելը այդ ավագանու կազմում: [...]

Ինչպե՞ս են աշխատում Գյումրու քաղաքապետ Սամվել Բալասանյանն ու ավագանու անդամները, եւ ի՞նչ անելիք ունի Գյումրու քաղաքացիական հասարակությունը. այս հարցերի շուրջ զրուցեցինք «Հայաստանի Հանրապետություն» օրաթերթի թղթակից Համլետ Մոսինյանի հետ:

-Պարոն Մոսինյան, արդեն 6-7 ամիս է Գյումրին ունի ավագանու նոր կազմ` նախորդի համեմատ էլ թվով մի փոքր ավելի: Դուք ինչպե՞ս եք գնահատում ավագանու անդամների ներկայիս աշխատանքային գործունեությունը:

-Եթե ասեմ, որ ես մեծ հույսեր էի կապում, իհարկե, սուտ կլինի: Ուրախալի էր, որ ավագանու անդամների թիվը ավելացրին: Ճիշտ է՝ մինչեւ ընտրություն մի քիչ հույս ունեի, որ ժողովուրդը իսկապես քաղաքի մասին կմտածի եւ ձայն կտա քաղաքի համար չարչարված մարդկանց: [...]

Ուսումնասիրություններ՝ Գյումրու եւ Գորիսի քաղաքապետարանների կայքերում

Վերջին տարիներին տեխնիկայի զարգացմանն ու համացանցի արագ տարածմանը զուգընթաց ՀՀ նախարարությունների, գերատեսչությունների, ՏԻՄ կառույցների, կառավարության պաշտոնական կայքերը քաղաքացիներին հնարավորություն տվեցին էլեկտրոնային տարբերակով դիմումներ ու նամակներ ուղարկել: Պաշտոնական  կայքերում «Կապ» բաժինը եկավ փոխարինելու ավանդական նամակներ ուղարկելու տարբերակին: Հաշվված վայրկյանների ընթացքում հարցն ու խնդրանքը հասցեատիրոջն էլեկտրոնային եղանակով հասցնելը նպատակահարմար է ոչ միայն ժամանակի առումով, այլեւ ֆինանսական. նամակ, գրություն ուղարկելու համար փոստային բաժանմունքներում վճարելու անհրաժեշտություն այլեւս չկա: [...]

Եթե ամիսներ առաջ Գյումրու Բաղրամյան փողոցի բնակիչների՝ խմբագրության ուղղած ահազանգերը վերաբերում էին միայն «զիբիլը տարածքից ժամանակին տանելուն», ապա այսօրվա բողոքն այլ է: [...]

Մի կյանքի պատմություն

«Պահեստապետի ազգանունը Բալասանյան էր, չեմ տեսնի մեր Սամվել Բալասանյանին, օր ըսեմ, հարցնեմ…կամ պապն է, կամ հերը, գիտեմ, որ իրանց բարեկամը պտի էղնի, պահեստապետի անուն-ազգանունը, կարծեմ, Խաչիկ Բալասանյան էր, թղթերը ընձի կղրկեր, ես կկազմեի, հաշվետվություն կուտայի իրան…»,-92 ամյա կնոջ հիշողություններում Հայրենական Մեծ պատերազմի տարիների թարմ դրվագներից է: Ինչպես պատմում է Մանյա Գրիգորյանը, պատերազմի տարիներին աշխատել է Ամասիայի ՄՏՍ-ում: «Այն գրասենյակի նման մի բան էր, պատերազմի տարիներին հաց կթխեինք, ես էլ հաշվապահն էի, հետո աշխատանքիս համար մեդալների արժանացա, էն ժամանակ կըսեին՝ թիկունքի մասնակից, ես պատերազմի դաշտում չեմ եղել, բայց թիկունքից եմ մասնակցել»,-շարունակում է նա ու դանդաղ բացում է տոպրակը, մի քանի վայրկյանից նեղլիկ սենյակի փոքր սեղանին մեդալներ են՝ պատերազմի տարիների աշխատանքային արիության, 1941-45 թթ Հայրենական Մեծ պատերազմում հաղթանակի 50-ամյա հոբելյանական պարգեւատրումներ: [...]

Ֆոտոշարք՝ Գյումրու Ավտոկայան տնակային թաղամասից: Լուսանկարներն արվել են երեկ՝ անձրեւի ընթացքում [...]