Կինը իր մեկ սենյականոց բնակարանում միայնակ է ապրել, նրան խնամել է քույրը: Էմմա Քոչարյանը սովորաբար չի հաղորդակցվել հարեւաներիր հետ, ուստի նրա բնութագրի մասին տեղեկությունները՝ հենց հարեւանների շրջանում, բավական կցկտուր են: Մարդիկ նշում են, որ նա մեկուսի կյանք է վարել ու շատ հազվադեպ է դուրս եկել տանից:

Հարեւանուհիներից մեկը նշեց, թե իր իմանալով, կինը ժամանակին հարգված մանկավարժ է եղել: Սակայն շենքում բնակվելու տարիներին հոգեբանական խնդիրներ է ունեցել: Հուսահատ մարդու տպավորություն է գործել ու խոստովանել է, թե ձանձրացել է կյանքից ու այլեւս ապրել չի ուզում:

Քույրը պատմել է, որ Էմմա Քոչարյանը հաճախակի դուրս է ելել պատշգամբ՝ մաքուր օդ շնչելու պատճառաբանությամբ, բայց իրեն երբեւէ չի թվացել, թե նա ինքնասպանության փորձի կդիմի:

Հոգեկան առողջության կենտրոնի տնօրեն Նադյա Վարդանյանը նշեց, որ այն, ինչ հարեւանների կողմից բացատրվում է ինքնասպանություն գործած կնոջ հոգեկան խնդիրներորվ, կարող են պարզապես հոգեբանական բնույթի լինել:«Թյուր կարծիք կա մարդկանց մոտ, թե ինքնասպանություն գործած մարդը փաստացի պետք է հոգեկան հիվանդ լինել: Ըստ էության, դա այդպես չէ: Եւ ընդհանրապես, նեւրոզները ավելի շատ պայմանավորված են հոգեբանական, քան թե հոգեկան խնդիրների հետ»:

Բժշկուհին դժվարացավ նաեւ տեղեկություններ հայտնել ինքնասպան եղած կնոջ մասին, սակայն խոստացավ, որ վաղը կարող է լիարժեք պատասխանել, թե արդյո՞ք Էմմա Քոչարյանը գրանցված հիվանդ եղել է՞ իրենց հիվանդանոցում:

Սամվել Հունանյան

________________________________

Բաժանորդագրություն.

Հարգելի ընթերցող, առաջարկում ենք բաժանորդագրվել «Գյումրի-Ասպարեզ» օրաթերթի թղթե տարբերակը: Այս կայքում հրապարակվում է թերթում լույս տեսած հոդվածների մի մասը միայն: Բաժանորդագրվելիս դուք կտնտեսեք էական գումար: Այսպես. թերթն ամեն օր գնելիս տարեկան ծախսելու եք 25.700 դրամ, իսկ տարեկան բաժանորդագրման դեպքում` ընդամենը 16.000 դրամ: Բաժանորդագրությունն իրականացվում է նաեւ 6 ամսով, 3 եւ 1 ամսով: Բաժանորդագրությունն իրականացվում է առայժմ միայն Գյումրիում:

Բաժանորդագրության առավելությունն այն է, որ անկախ տարվա եղանակից եւ ձեր զբաղվածությունից, դուք ամեն օր ժամը 9-12-ի միջակայքում, պայմանագրում ձեր նշած հասցեում կստանաք թերթը: 8 ամսվա ընթացքում մեր բաժանորդագիրներից որեւէ մեկին թերթը ոչ մի անգամ ուշ չի հասցվել:

Եթե կկամենաք բաժանորդագրվել, պարզապես զանգահարեք (0312) 50622, ձեզ կայցելի գործակալը:

Վ.Չերազի անունով դպրոցն անվանակոչվել է 2002թ.-ին՝ դպրոցի նոր ուսումնական մասնշենքի բացման ժամանակ: Պոլսոյ եւ Հայաստանի Հանրապետության սկաուտական շարժման հիմնադիրներ, հայ մարզիկ Վահան Չերազի անունով քոլեջն անվանակոչելը եղել է ԳՊՄԻ դասախոս Ռաֆիկ Պապոյանի առաջարկով: Որոշումը եղել է Գյումրու ավագանունը՝ նշում է Հ.Փանոսյանն ու հավելում, որ միեւունույն ժամանակ Վ.Չերազի անունով անվանակոչվել է նաեւ քաղաքի կենտրոնական փողոցներից մեկը: Ավագանու որոշումը կա՝ մեզ վստահեցրեց Հ.Փանոսյանը, բայց դա գտնել եւ մեզ ցույց տալ նա չկարողացավ:

-Չերազի անունով կոչելը կառավարության որոշումով չի եղել: Կառավարության որոշումով մեր հիմնարկի անունը Գյումրու Օլիմպիական հերթափոխի պետական մարզական քոլեջ է, իսկ Չերազի անունը սիմվոլիկ ձեւով դրվել է: Չերազի անունը ֆիքսել մեր կնիքի վրա, կամ որեւէ այլ բան՝ մենք իրավունք չունենք, քանի որ էդ կնիքի վրա իրա անունը լինելու համար հարկավոր է կառավարության որոշում,-ասում է Հ.Փանոսյանն ու հավելում, որ անվանափոխությունն անելը իր նպատակը պետք է հետապնդի ու հարց է ուղղում, թե ո՞ր նպատակի համար:

Մինչ քոլեջ մտնելը՝ մենք նկատեցինք ցուցանակ, որի վրա միայն գրված էր Գյումրու Օլիմպիական հերթափոխի պետական մարզական քոլեջ, իսկ որ քոլեջը կրում է Վ.Չերազի անունը՝ որեւէ ցուցանակ չկար: Իմ այն հարցին, թե երբեւէ եղել է Վ.Չերազի անունը կրող ցուցանակ եւ ինչու հիմա չկա՝ Հ.Փանոսյան ասաց.

-Առաջ իրա անունով ցուցանակ կար, հետո որ քոլեջ  էր դառել ու ցուցանակը փոխվեց՝ իրա անունը մեխանիկորեն չի գրվել, ես էդ ժամանակ ստեղ չեմ եղել, բայց դա չի նշանակում, որ քոլեջը իրա անունով չէ: Ես պարտավոր եմ գրել միայն պետական անվանումը՝ կառավարության որոշումով: Եթե իրանց պետք է Չերազի անունով, բերենք մի հատ մեծ, սիրուն պլակատ գրենք, կպցնենք պատին: Ես ինչքան գիտեմ, Չերազը թոռներ ունի, բարեկամներ ունի, թող իրանք էլ զբաղվեն էդ գործով: Իրանց պապի համար մի հատ լավ անկյուն սարքեն դպրոցում, ոչ մի խնդիր չկա:

Հ.Փանոսյանը վստահեցնում է, որ քոլեջին կից համալիրի կառուցումից հետո ցուցանակը նորից կփոխեն, իսկ անվանափոխության հետ կապված խոսակցությունները որակեց թյուրիմացություն. «Մեր երեխեքը գիտեն, անվանումը կա, ինչի՞ մասին է խոսքը, բայց ինչ կմնա, որ մենք ամբողջ օրը նստենք ու պրոպագանդա տանենք, թե Չերազին ճանաչում եք եւ այլն… էլի կարելի է, բայց ամեն օր է՞դ գործով բդի զբաղվինք: Դպրոցը մնում է իրա անվանումով, ոչ մի մարդ չի ուզում փոխել: Ցուցանակը հանվել է 5 տարի առաջ: 5 տարի առաջ գայիք ու ասեիք, թե ընչի՞ հանիք պապիս անունը, հմի ինչի՞ է ընկել իրա միտքը»:

Քոլեջը Վ.Չերազի անունով կոչելու ակունքներում կանգնած Ռաֆիկ Պապոյանը մեզ հետ զրույցում նշեց, որ օրեր առաջ ինքը հյուրընկալել է Չերազի դստերն ու թոռներին, ովքեր եկել են Գյումրի՝ Չերազի մասին ֆիլմի նկարահանման համար ու հենց այդ ժամանակ իմացել, որ դպրոցն անվանափոխելու ինչ-որ մտադրություններ կան:

-Ինչ-որ խմորումներ են կատարվում: Էն օրը գնացինք, ցուցանակը, որի վրա գրված էր Վ.Չերազի անվան օլիմպիական հերթափոխի մարզադպրոց՝ հանած էր: Չերազի թոռներն էլ մեր տանն էին, տնօրենին հրավիրեցի, ասացի պատճառը որն է՝ ինչ-որ բաներ էր ասում, թե Գագիկ Ծառուկյանի հոր անունով է կոչելու:

Ռ.Պապոյանի վստահեցմամբ՝ Վ.Չերազի ծավալած գործունեությանը աշակերտների հետ ծանոթացնելու համար քոլեջում ոչ մի բան չի արվում, նրա մասին հիշեցնող ոչինչ չկա դպրոցում, անգամ ցուցատախտակը, որում նշված է եղել, թե դպրոցն ում անունն է կրում՝ հանվել է.«Մինչեւ անցած տարի էդ ցուցատախտակը կար, ես չգիտեմ, թե էդ ինչի համար է հանվել: Ես դպրոցի տնօրենին նկար եմ տվել ու ասել, որ խփի մուտքի մոտ, որպեսզի բոլորն իմանան ու տեսնեն, թե ում անունով է դպրոցը»,-ասում է Ռ.Պապոյանը:

Ռ.Պապոյանը եւս նշեց, որ, իր ունեցած տեղեկություններով, հանրապետական մարզադպրոցների անվանափոխությունը պետք է լինի կառավարության որոշումով, եթե այդպես լինի՝ իրենք կդիմեն կառավարություն. «Մինչեւ 2012թ.-ը դպրոցը կոչվել է էդ անունով, եւ ոչ ոք իրավասու չէ էդ բանը փոխելու, որովհետեւ դա եղել է ավագանու նիստի որոշումով: Էն ժամանակ իրավունք կար էդ բանին»:

Թե ինչքանո՞վ էին տեղյակ իրողությանը եւ ի՞նչ գիտեին հնարավոր անվանափոխության հետ կապված շրջանառվող խոսակցություններին մարզպետարանի եւ քաղաքապետարանի համապատասխան բաժինների ղեկավարները՝ փորձեցինք պարզել նրանցից: Ե՜ւ մարզպետարանի մշակույթի-սպորտի բաժնի պետ Վաչագան Վարդանյանը, ե՜ւ քաղաքապետարանի ֆիզկուլտուրայի եւ սպորտի բաժնի պետ Մեխակ Ղազարյանը իրողությանը ծանոթ չէին: Նրանք երկուսն էլ նշեցին, որ այդ մասին լսում են ինձանից:

Ի դեպ նշեմ, որ Վահան Չերազի նկարը փակցված էր քոլեջի մարզական մասնաշենքում:

Սոնա Առաքելյան

Դիմանկարի տակը. Մարզադպրոցի տնօրեն՝ Հակոբ Փանոսյան

________________________________

Բաժանորդագրություն.

Հարգելի ընթերցող, առաջարկում ենք բաժանորդագրվել «Գյումրի-Ասպարեզ» օրաթերթի թղթե տարբերակը: Այս կայքում հրապարակվում է թերթում լույս տեսած հոդվածների մի մասը միայն: Բաժանորդագրվելիս դուք կտնտեսեք էական գումար: Այսպես. թերթն ամեն օր գնելիս տարեկան ծախսելու եք 25.700 դրամ, իսկ տարեկան բաժանորդագրման դեպքում` ընդամենը 16.000 դրամ: Բաժանորդագրությունն իրականացվում է նաեւ 6 ամսով, 3 եւ 1 ամսով: Բաժանորդագրությունն իրականացվում է առայժմ միայն Գյումրիում:

Բաժանորդագրության առավելությունն այն է, որ անկախ տարվա եղանակից եւ ձեր զբաղվածությունից, դուք ամեն օր ժամը 9-12-ի միջակայքում, պայմանագրում ձեր նշած հասցեում կստանաք թերթը: 8 ամսվա ընթացքում մեր բաժանորդագիրներից որեւէ մեկին թերթը ոչ մի անգամ ուշ չի հասցվել:

Եթե կկամենաք բաժանորդագրվել, պարզապես զանգահարեք (0312) 50622, ձեզ կայցելի գործակալը:

Լրագրողական կազմակերպությունները նաեւ մատնանշել էին կոնկրետ փաստեր, որ  համազգեստավոր եւ քաղաքացիական հագուստով անձինք, բռնի ուժով եւ հայհոյելով, խլել եւ կոտրել են «Կենտրոն» հեռուստաընկերության նկարահանող խմբի տեսասարքը, որն ավելի ուշ վերադարձրել են՝ տեսանյութերը ջնջած։ Ռազմական ոստիականության աշխատակիցները բռնությամբ խլել են նաեւ Lragir.am կայքի թղթակից Սիրանույշ Պապյանի տեսասարքը եւ ջնջել մինչ այդ պահը կատարված տեսագրությունները, իսկ «Երկիր մեդիա» հեռուստաընկերության նկարահանող խմբից վերցրել են տեսանյութերի կրիչը, որն ավելի ուշ վերադարձրել են ոստիկանապետի միջամտությամբ միայն։ Ի դեպ, երբ լրագրողները նկարահանումներն արգելելու վերաբերյալ հարց են ուղղել դեպքի վայր հասած ոստիկանապետին եւ պաշտպանության նախարարին, վերջիններս պատասխանել են, թե իրենք նման հրաման չեն արձակել։

Այդ դեպքում ովքե՞ր են «վերեւները», որոնց վրա հղում են արել լրագրողների աշխատանքը խոչընդոտած ուժային կառույցների աշխատակիցները: Նրանք դժվար թե ինքնագլուխ դիմած լինեին նման քայլի:

Արդեն մայիսի 21-ին միջադեպին արձագանքել են պետական մարմինները՝ նախագահի աշխատակազմն ու պաշտպանության նախարարությունը: Պաշտպանության նախարարի մամուլի քարտուղար Արծրուն Հովհաննիսյանը NEWS.am-ին ասել է, թե նախարարությունն ի սկզբանե արել է ամեն բան, որ ապահովի լրագրողների բնականոն աշխատանքը: «Առաջին արձագանքը, որ ստացանք, թե իբր ինչ-որ մեկը խանգարում է լրագրողներին, ես միանգամից արձագանքեցի եւ ասացի, որ դիմեն փոխնախարարին, ով գտնվում է տեղում: Ինչ մնում է խոչընդոտման մասին տեղեկություններին, համապատասխան մարմինները, խնդրում եմ, թող զբաղվեն, եւ եթե պարզվի, որ լրագրողների աշխատանքին խոչընդոտման դեպքեր են եղել, ՊՆ-ն համապատասխան արձագանք կտա»,- նշել է Հովհաննիսյանը:

Հայաստանի նախագահի մամուլի խոսնակ Արման Սաղաթելյանն էլ դատապարտել է  մայիսի 18-ին Սեւան-Երեւան ավտոմայրուղու վրա լրագրողների աշխատանքները խոչընդոտելու փաստը: NEWS.am-ի հարցին ի պատասխան նա նշել էր. «Միանշանակ բացասական եմ գնահատում, միանշանակ դատապարտում եմ: Հանրապետության նախագահի ցուցումով ես հենց նույն օրը շփվել եմ «Արմնյուզ», «Շանթ», «Կենտրոն» հեռուստաընկերությունների եւ մյուս լրատվամիջոցների ղեկավարների հետ, մեր աջակցությունն ու սատարում եմ հայտնել: Կատարվածի պատշաճ ուսումնասիրումը նույն պահից սկսած գտնվում է մեր ուշադրության կենտրոնում»:

Այդ օրը, երբ զոհված զինվորի հարազատները փորձում էին նրա դին տեղափոխել Երեւան, պետական կառույցները անմիջապես դիմեցին հակաքայլերի. բողոքավորների երթին ակնթարթորեն ընդառաջ մեկնեցին պաշտպանության նախարարն ու ոստիկանապետը, ովքեր երկար համոզում էին չդիմել նման քայլի, գրեթե ամբողջ օրը մնացին նրանց հետ: Նպատակը մեկն էր՝ խուսափել նման աննախադեպ ակցիայից, կամ՝ խայտառակությունից:

Չխորանալով բողոքի նման ակցիայի ճիշտ կամ սխալ լինելու հարցի մեջ, փաստենք, որ այդ օրը Ֆեյսբուքում իշխանական շահերն արտահայտող շատ օգտատերեր ասում էին, որ նման ակցիան մեծ հարված կլինի Հայաստանի հեղինակությանը, ադրբեջանցիները կուրախանան եւ կծիծաղեն մեր վրա, որ պետք չէ տեսակադրեր հրապարակել, լավ են արել, որ լրագրողներին չեն թույլատրել նկարահանել եւ այլն եւ այլն: Այսինքն՝ ի սկզբանե միտում կար շատ չբարձրաձայնել միջադեպի մասին, որպեսզի այն չստանա լայն արձագանք, մանավանդ որ, լուրը լսելուն պես կառավարության շենքի մոտ էին հավաքվում նաեւ հարյուրավոր քաղաքացիական ակտիվիստներ: Պարզ է, որ լայն արձագանքը պայմանավորված է հատկապես լրատվական հրապարակումների հետ, եւ չպետք է բացառել, որ լրագրողների աշխատանքը խոչընդոտելը եկել է հենց ամենավերեւներից…

Համլետ Կիրակոսյան

________________________________

Բաժանորդագրություն.

Հարգելի ընթերցող, առաջարկում ենք բաժանորդագրվել «Գյումրի-Ասպարեզ» օրաթերթի թղթե տարբերակը: Այս կայքում հրապարակվում է թերթում լույս տեսած հոդվածների մի մասը միայն: Բաժանորդագրվելիս դուք կտնտեսեք էական գումար: Այսպես. թերթն ամեն օր գնելիս տարեկան ծախսելու եք 25.700 դրամ, իսկ տարեկան բաժանորդագրման դեպքում` ընդամենը 16.000 դրամ: Բաժանորդագրությունն իրականացվում է նաեւ 6 ամսով, 3 եւ 1 ամսով: Բաժանորդագրությունն իրականացվում է առայժմ միայն Գյումրիում:

Բաժանորդագրության առավելությունն այն է, որ անկախ տարվա եղանակից եւ ձեր զբաղվածությունից, դուք ամեն օր ժամը 9-12-ի միջակայքում, պայմանագրում ձեր նշած հասցեում կստանաք թերթը: 8 ամսվա ընթացքում մեր բաժանորդագիրներից որեւէ մեկին թերթը ոչ մի անգամ ուշ չի հասցվել:

Եթե կկամենաք բաժանորդագրվել, պարզապես զանգահարեք (0312) 50622, ձեզ կայցելի գործակալը:

-Պարոն Ալումյան, վերջերս դուք հանդիպե՞լ եք Վահե Ղուկասյանին: Ինչպե՞ս է ընթանում գործով նախաքննությունը՝ ըստ ձեզ:

-Իհարկե, պարբերաբար հանդիպում եմ Վահե Ղուկասյանին, իսկ ինչպես է նախաքննությունն ընթանում, ինձ թվում է, որ առայժմ մի փոքր միակողմանի:

-Իսկ ի՞նչ հիմնավորմամբ եք դա ասում:

-Երկու կողմից էլ կան հրազենային վնասվածքներ ստացողներ: Դեռ իրականությունը պարզված չէ, սակայն անմիջապես գնահատականներ տվեցին, որ  էս կողմն է առաջինը կրակոցներ արձակողը (խոսքը Վահե Ղուկասյանի մասին է): Հրազենային վնասվածքներ ստացած մյուս կողմը որպես տուժող է ճանաչվել, իսկ էս կողմը՝ որպես մեղավոր: Եթե նախաքննությունը միակողմանի չընթանար, ապա իմ միջնորդությունը դատարանին, Վահեին որպես տուժող կողմ ճանաչելու մասին. չէր մերժվի:

-Ձեր միջնորդության մերժման օրինականության վերաբերյալ մայիսի 18-ին հրավիրված դատական նիստի մասին ի՞նչ կասեք:

-Որոշում կայացվեց մերժել իմ բողոքը, որը բերված էր այն բանի դեմ, որ քննիչը հրաժարվում է իմ պաշտպանյալին գործով տուժող ճանաչել: Մեր սպասելիքներն արդարացված չեն, եւ ես բողոքարկելու եմ վերաքննիչ դատարան: Դատարանում լսումներ են եղել, որ  իմ պաշտպանյալն ունի հրազենային վնասվածք, այսինքն՝ ինքը ֆիզիկական վնաս է ստացել եւ էդ ֆիզիկական վնասը ստացել է ոչ օրինական գործողությունների արդյունքում, մյուս կողմից արձակված հրազենային կրակոցից: Հետեւապես, երկու  անհրաժեշտ նախադրյալներն առկա են, որպեսզի ինքը տուժող ճանաչվեր: Դատարանում էս մակարդակի քննարկումներ էին գնում, բայց մերժվեց մեր բողոքը:

-Թույլատրվե՞ց արդյոք Վահե Ղուկասյանին մասնակցել իր հոր՝ Անդրանիկ Ղուկասյանի հուղարկավորության արարողությանը:

-Ոչ, չթույլատրվեց: Պատճառն օրենքի արգելքն էր, որ առանձնապես ծանր հանցագործության մեջ մեղադրվող անձանց չի թույլատրվում: Օրենքն այդ վերապահումն անում է: Դա սահմանված է «Ձերբակալված եւ կալանավորված անձանց պահելու  մասին օրենքի» 17-րդ հոդվածով: Օրենքը չէր թույլատրում, եւ ես չէի կարող դիմել, որ այն շրջանցվի: Թեեւ բանավոր քննիչին ասել էի, բայց գիտեի, որ  չի թույլատրվում:

Խմբագրություն-«Համաձայն վերը նշված օրենքի թիվ 17 հոդվածի, կալանավորված անձանց, բացառությամբ առանձնապեu ծանր հանցանքի կատարման մեջ մեղադրվող անձանց, մերձավոր ազգականի մահվան կամ կյանքին uպառնացող ծանր հիվանդության, կալանավորված անձին կամ նրա ընտանիքին զգալի նյութական վնաu պատճառած տարերային աղետի դեպքում կարող են տրամադրվել կարճաժամկետ մեկնումներ»:

Զրուցեց Անահիտ Սիմոնյանը

Լուսանկարը՝ azatutyun.am-ի

________________________________

Բաժանորդագրություն.

Հարգելի ընթերցող, առաջարկում ենք բաժանորդագրվել «Գյումրի-Ասպարեզ» օրաթերթի թղթե տարբերակը: Այս կայքում հրապարակվում է թերթում լույս տեսած հոդվածների մի մասը միայն: Բաժանորդագրվելիս դուք կտնտեսեք էական գումար: Այսպես. թերթն ամեն օր գնելիս տարեկան ծախսելու եք 25.700 դրամ, իսկ տարեկան բաժանորդագրման դեպքում` ընդամենը 16.000 դրամ: Բաժանորդագրությունն իրականացվում է նաեւ 6 ամսով, 3 եւ 1 ամսով: Բաժանորդագրությունն իրականացվում է առայժմ միայն Գյումրիում:

Բաժանորդագրության առավելությունն այն է, որ անկախ տարվա եղանակից եւ ձեր զբաղվածությունից, դուք ամեն օր ժամը 9-12-ի միջակայքում, պայմանագրում ձեր նշած հասցեում կստանաք թերթը: 8 ամսվա ընթացքում մեր բաժանորդագիրներից որեւէ մեկին թերթը ոչ մի անգամ ուշ չի հասցվել:

Եթե կկամենաք բաժանորդագրվել, պարզապես զանգահարեք (0312) 50622, ձեզ կայցելի գործակալը:

Ճարտարապետական փոփոխամտության վառ ապացույց չէ՞ այն, որ մայրաքաղաքի խորհրդանիշներից մեկն հանդիսացող Ազատության հրապարակի նախկին տեսքից միայն օպերայի շենքն է մնացել: Իսկ օպերայի շրջակա տարածքը թիզ առ թիզ նվաճում են սպասարկման նորանոր օբյեկտները: Նորը՝ եվրոպական չափանիշներ է բերում, եվրոպական նոր կենցաղավարություն, հնից պակասում է ավանդականը, կորսվում են երբեմնի բարի իրողությունները:

Փողոցներով երթեւեկում են օտարամակնիշ մեքենաները, իսկ անցորդների հայացքներում ինքնամփոփություն հաճախ շրջապատի նկատմամբ սառը անտարբերություն կարելի  է նկատել: Ու այս անցուդարձում մի ռեստորանի պատի մոտ ծվարած ծերունու զբաղմունքն ուղղակի անհեթեթյուն կարող է թվալ՝ միրգ է վաճառում:

Անհնար է չնկատել Երեւանի արտաքին շքեղության ու փայլի հետ կոնտրաստի մեջ մտնող թշվառությունը: Բայց թե փայլ կոչվածն իր հստակ դերակատարությունն ունի մայրաքաղաքում. աղքատության պատկերն այստեղ այնչափ ճնշող ու արտահայտված չէ, որքան Գյումրիում: Գյումրին ուրիշ է: Գյումրու աղքատության ՙբույրն՚ էլ է ուրիշ:

Գյումրեցի ուսանողուհի Նարինեն մայրաքաղաքում է սովորում ու հավաստիացնում է, որ Երեւանում անհամեմատ հեշտ է գլուխը պահել, քան հայրենի քաղաքում. «Այստեղ դժվար չէ աշխատանք գտնել, ժամանացային վայրեր էլ կան: Բացի այդ, ես այստեղ չեմ նկատել, որ մարդիկ այնքան ընկճված լինեն, ինչքան Գյումրիում»: Ըստ Նարինեի, այդպես են կարծում նաեւ երեւանյան բուհերում սովորող իր շատ համաքաղաքացիները:

Ինքն անձամբ շատերին է ճանաչում, ովքեր ուսումն ավարտելով, այլեւս նպատակահարմար չեն գտնում վերադառնալ Գյումրի, հաստատվում են այստեղ: Նաեւ զուտ աղջկական գաղտնիք է բացահայտեց. այստեղ ապահով կամ էլ՝ բարեհաջող ընտանիք կազմելու հավանականությունն ավելի մեծ է, քան Գյումրիում: Հավաստիություան համար, իր ընկերուհու հաջող փորձից օրինակ բերեց: «Այնպես որ, կարելի է ապրել»,-լավատեսորեն ամփոփեց նա:

Արսենին երբեք չի ձգել Գյումրիում մնալու հեռանկարը, թեեւ նշում է, որ մեծ քաղաքն անտարբեր է սովորական գավառացիների նկատմամբ: Եթե կամքից ուժեղ չեղար, քեզ կկլանի, հուսահատության կմատնի մեծ քաղաքը: 90-ականների վերջին Երեւանում՝ կոոպերատիվ կոչված համալսարաններից մեկն է ավարտել, հոգեբանի մասնագիտություն է ստացել: Ինչպես ինքն է պատմում, նորմալ գործ ուներ միջազգային կազմակերպությունում, զբաղվում էր անչափահաս մարմնավաճառներին դարձի բերելու խնդրով: Կավատների աչքից չվրիպեց: Զգուշացրին՝ երկու անգամ, որ քիթը չխոթի այնտեղ ուր չի կարելի: Ասում է. «Երրորդ զգուշացմանը հերթը չհասավ՝ այդ մարդիկ սովորաբար կատակել չեն սիրում՝ ծեծեցին: Աչքիս հարված ստացա»: Հիմա կորցրել է գործը, աչքն աղոտ է տեսնում: Ստիպված, օրավարձով բանվորություն է անում, բնակարաններ նորոգում. «Մի օր գաջի մեջ կորած շորերով ինձ հայելու մեջ նայեցի ու ինքս ինձ հարցրի՝ ի՞նչ ես էստեղ անում»:

Երեկոյան Երեւանը ասես լույսերի գունագեղ ջրավազան լինի, ուր ամեն լողորդ իր հունով է ընթանում ու մտածում ջրահեղձ չլինելու մասին, մինչդեռ հորձանուտում ոչ բոլորին է հաջողվում հաղթահարել այդ խնդիրը: Իսկ հողմաղացների հետ կռիվ տալու ժամանակներն անցել են: Հողմաղացների հնարովի պաճուճանքն այժմ՝ լավագույն դեպքում, զարդարում է ռեստորաններից մեկի արտաքին տեսքը, շքեղություն պարգեւում այդ կառուցին, նմանություն հաղորդում փարիզյան հայտնի կաբարեի՝ «Մուլեն Ռուժի» հետ: Գուցե եւ շատերի համար, ովքեր եկել են ու հաստատվել այստեղ, նրանց համար փարիզյան բյուրեղյա երազանք է:

Սամվել Հունանյան

________________________________

Բաժանորդագրություն.

Հարգելի ընթերցող, առաջարկում ենք բաժանորդագրվել «Գյումրի-Ասպարեզ» օրաթերթի թղթե տարբերակը: Այս կայքում հրապարակվում է թերթում լույս տեսած հոդվածների մի մասը միայն: Բաժանորդագրվելիս դուք կտնտեսեք էական գումար: Այսպես. թերթն ամեն օր գնելիս տարեկան ծախսելու եք 25.700 դրամ, իսկ տարեկան բաժանորդագրման դեպքում` ընդամենը 16.000 դրամ: Բաժանորդագրությունն իրականացվում է նաեւ 6 ամսով, 3 եւ 1 ամսով: Բաժանորդագրությունն իրականացվում է առայժմ միայն Գյումրիում:

Բաժանորդագրության առավելությունն այն է, որ անկախ տարվա եղանակից եւ ձեր զբաղվածությունից, դուք ամեն օր ժամը 9-12-ի միջակայքում, պայմանագրում ձեր նշած հասցեում կստանաք թերթը: 8 ամսվա ընթացքում մեր բաժանորդագիրներից որեւէ մեկին թերթը ոչ մի անգամ ուշ չի հասցվել:

Եթե կկամենաք բաժանորդագրվել, պարզապես զանգահարեք (0312) 50622, ձեզ կայցելի գործակալը:

Այս թեմայի շուրջ խոսեցինք «Արտ-Ֆեստ» առաջին երիտասարդական հանրապետական բաց փառատոնի մամուլի քարտուղար Լիլիթ Տերտերյանի հետ: Նա նախ ներկայացրեց այն կարեւոր նպատակը, որը իրենց առջեւ դրել էին փառատոնի կազմակերպիչները՝ նշելով, որ փորձի փոխանակման արդյունքում կկատարելագործվեն երիտասարդ արվեստագետների մասնագիտական հմտությունները եւ կբացահայտվեն նոր անուններ :

-Փառատոնը հնարավորություն է ընձեռում հասարակության ավելի լայն շրջանակում ներկայանալու, բացահայտվելու: Այս փառատոնին կարող էին մասնակցել ցանկացած մասնագիտություն ունեցող երիտասարդներ. պարտադիր չէ, որ նրանք լինեն դերասան, ռեժիսոր, նկարիչ, քանդակագործ: Եթե օրինակ` տնտեսագետն ունի ասելիք, հետաքրքիր միտք, ստեղծել է արվեստի գործ, կարող է մասնակցել, ի վերջո` չի բացառվում, որ նրա ստեղծածը արժեքավոր լինի. փառատոնը ինքնադրսեւորվել հնարավորութհուն է տալիս,-ասում է Լ. Տերտերյանը:

Ծրագիրը նպատակ ուներ աշխուժացնելու մայրաքաղաք-մարզեր երիտասարդական ստեղծագործական մթնոլորտը, ընդլայնելու մայրաքաղաքի եւ մարզերի ստեղծագործ երիտասարդների մասնագիտական համագործակության շրջանակը: Կազմակերպչական աշխատանքներին մասնակցել են .Երեւանի թատրոնի եւ կինոյի պետական ինստիտուտը, Գեղարվեստի պետական ակադեմիան, Երեւանի Փ. Թերլեմեզյանի անվան գեղարվեստի պետական քոլեջը, Գեղեցիկ արվեստների ակադեմիան, Հայաստանի Խ. Աբովյանի անվան պետական մանկավարժական համալսարանը, ԵՊՀ մշակույթի կենտրոնը, մայրաքաղաքային եւ մարզային մշակութային կենտրոնները:

Լ. Տերտերյանը ուշադրությունն ուղղելով մարզերի արվեստագետ հասարակությանը, կարեւոր է համարում նմանատիպ միջոցառումների հաճախակիությունը. «Մարզերում, ինչպես գիտենք, մշակութային կյանքն այդքան էլ ակտիվ չէ, եւ «Արտ-Ֆեստը» հնարավորություն է տալիս երիտասարդներին գոնե որոշ ժամանակով ակտիվանալու, իրենց աշխատանքները ներկայացնելու, ինչպես նաեւ շփվելու եւ նոր միջավայր ստեղծելու: Բավականին շատ մասնակցության հայտեր ստացել ենք ԵԹԿՊԻ Գյումրու մասնաճյուղից, հայտեր եղել են նաեւ ԵԹԿՊԻ Վանաձորի մասնաճյուղից»:

«Մեկ տանիքի ներքո» «ԱՐՏ-ՖԵՍՏ» առաջին հանրապետական երիտասարդական բաց փառատոնի հաղթող ներկայացումները ցուցադրվելու են նաեւ մարզերում:

Լուսինե Ավագյան

Լուսանկարները` Թատրոն առաջին թատերական պորտալի

________________________________

Բաժանորդագրություն.

Հարգելի ընթերցող, առաջարկում ենք բաժանորդագրվել «Գյումրի-Ասպարեզ» օրաթերթի թղթե տարբերակը: Այս կայքում հրապարակվում է թերթում լույս տեսած հոդվածների մի մասը միայն: Բաժանորդագրվելիս դուք կտնտեսեք էական գումար: Այսպես. թերթն ամեն օր գնելիս տարեկան ծախսելու եք 25.700 դրամ, իսկ տարեկան բաժանորդագրման դեպքում` ընդամենը 16.000 դրամ: Բաժանորդագրությունն իրականացվում է նաեւ 6 ամսով, 3 եւ 1 ամսով: Բաժանորդագրությունն իրականացվում է առայժմ միայն Գյումրիում:

Բաժանորդագրության առավելությունն այն է, որ անկախ տարվա եղանակից եւ ձեր զբաղվածությունից, դուք ամեն օր ժամը 9-12-ի միջակայքում, պայմանագրում ձեր նշած հասցեում կստանաք թերթը: 8 ամսվա ընթացքում մեր բաժանորդագիրներից որեւէ մեկին թերթը ոչ մի անգամ ուշ չի հասցվել:

Եթե կկամենաք բաժանորդագրվել, պարզապես զանգահարեք (0312) 50622, ձեզ կայցելի գործակալը:

Վանաձորի 4 այգիներն ու պուրակները համայնքը բյուջեի ծախսերը կրճատելու համար 10 տարի ժամանակով վարձակալության հանձնեց` մրցույթներ անցկացվեցին,  պայմանագրեր կնքվեցին, սակայն  Վանաձորի քաղաքապետարանն ամեն տարի միայն  բացթողումներ էր արձանագրում. «Մեկ ձեռքի մատների վրա կարելի է հաշվել բարեխիղճ  վարձակալներին, ովքեր լուրջ  փոփոխություններ են կատարել 10 տարվա ընթացքում,  Հրանտ Մաթեւոսյանի անվան այգու 11 վարձակալից  միայն մեկն է ինձ գոհացնում», -վարձակալման ժամկետների ավարտին ընդառաջ, Վանաձորի քաղաքապեարանի հերթական նիստի ժամանակ սրտնեղել էր քաղաքապետ Դարբինյանը:

Չնայած տեւական եւ հորդառատ անձրեւներին, Վանաձորի այգիներն ավելի շատ շինհրապարակներ են հիշեցնում` սրճարանատերերը վերանորոգում են բացառապես իրենց սրճարանները, իսկ  հանրային օգտագործման տարածքները կարծես դեռ «անցած տարում են մնացել»:

Քաղաքապետարանում թեկուզ ուշացումով, բայց հասկացել են` այգին մեկ վարձակալ պետք է ունենա, որ.  «Մեկը իր տարածքը չմաքրի ու աղբը մյուսի տարածքը լցնի»,-ասում է  Վանաձորի քաղաքապետարանի գույքի կառավարման եւ եկամուտների հավաքագրման բաժնի պետ Վիկտոր Դարբինյանը,  նախատեսելով, սեպտեմբերին, նոր պայմանագրեր կազմելիս, այդ սկզբունքով առաջնորդվել:

Քաղաքապեատարանը պայմանների բարելավում պահանջում է վարձակալից, քաղաքապետը` ավագանուց:  Վանաձորի Սայաթ-նովայի անվան քաղաքային այգում լուսավորության եւ նստարանների խնդիր կա:  Վանաձորի ավագանու այս տարվա մայիսի 14-ի նիստի ավարտին քաղաքապետ Ս. Դարբինյանն հայտարարել էր. «100 հազար դրամ ես իմ գրպանից եմ դնում, 100-ն էլ դուք հավաքեք,  այդ հարցը լուծվի»: Վանաձոր համայնքի ավագանու 15  անդամները երկար քննարկեցին, սակայն ընդհանուր հայտարարի չեկան. «Իմ  տարածքում, ինքը  ներդրում անում ա, ում համար անեմ», աղմուկի մեջից հնչեց հերթական դժգոհությունը, «Քաղաքի ու բնակչի»,-խոսքը  կտրեց քաղաքապետ Դարբինյանը, որին հաջորդեց  ավելի բարձր աղմուկը:

Ավագանու անդամները գուցե իրենց հանգիստն անցկացնելու այլ վայրեր ունեն եւ պարտավորություն էլ չունեն ներդրում կատարելու, իսկ վանաձորցու անուղղակի ներդրումն այգիների պահպանման համար կարեւոր է` միայն թեկուզ չկեղտոտելով տարածքը:

Նելլի Դավթյան

________________________________

Բաժանորդագրություն.

Հարգելի ընթերցող, առաջարկում ենք բաժանորդագրվել «Գյումրի-Ասպարեզ» օրաթերթի թղթե տարբերակը: Այս կայքում հրապարակվում է թերթում լույս տեսած հոդվածների մի մասը միայն: Բաժանորդագրվելիս դուք կտնտեսեք էական գումար: Այսպես. թերթն ամեն օր գնելիս տարեկան ծախսելու եք 25.700 դրամ, իսկ տարեկան բաժանորդագրման դեպքում` ընդամենը 16.000 դրամ: Բաժանորդագրությունն իրականացվում է նաեւ 6 ամսով, 3 եւ 1 ամսով: Բաժանորդագրությունն իրականացվում է առայժմ միայն Գյումրիում:

Բաժանորդագրության առավելությունն այն է, որ անկախ տարվա եղանակից եւ ձեր զբաղվածությունից, դուք ամեն օր ժամը 9-12-ի միջակայքում, պայմանագրում ձեր նշած հասցեում կստանաք թերթը: 8 ամսվա ընթացքում մեր բաժանորդագիրներից որեւէ մեկին թերթը ոչ մի անգամ ուշ չի հասցվել:

Եթե կկամենաք բաժանորդագրվել, պարզապես զանգահարեք (0312) 50622, ձեզ կայցելի գործակալը:

Նրանցից մեկը Լեւոն Հովհաննիսյանն է, ում հետ զրույցիցպարզ դարձավ, որ իրենք հենց սկզբից մտածել եւ համոզված են եղել, որ ՀԷԿ-ի կառուցումը միայն ի նպաստ կլինի գյուղացիներին, սակայն վերջիններիս դիրքորոշման մասին չեն իմացել: Այժմ արդեն ինքըհամագյուղացիների կողքին է եւ պաշտպանում էնրանց շահերը: Այն հարցին, թե ինչ էր գրված փաստաթղթի մեջ, Լ. Հովհաննիսյանը դժվարացավ պատասխանել՝ չէր հիշում: Ըստ նրա, ինքը չի կարող  համաձայն լինել մի բանի, ինչին դեմ են համագյուղացիները. «Ճիշտն ասած՝ ես սկզբից մտածում էի, որ լավ կլինի, բայց հետո տեսա, որ ոչ մի լավ բանի սպասել պետք չէ եւ հրաժարվեցի: Եւ հետո՝ ես ժողովրդի հետ եմ գնում, ես իմ համագյուղացիներին երբեք ընդդեմ չեմ դուրս գա: Իսկզբանե եղել եմ գյուղացիների հետ եւ կշարունակեմ նրանց պայքարը` միանալով իրենց»: Նա նշեց, որ իր համար նշանակություն չունի՝ գյուղապետը գիտի, թե ոչ իր այս որոշման մասին, առավել եւս, որ հենց սկզբից, իր խոսքերով, դեմ է եղել, պարզապես ստորագրել է:

Ստորագրած մյուս գյուղացին Ավետիք Գեւորգյանն է, ով նույնպես ուշադրություն չի դարձել, թե ինչի տակ է ստորագրում: Նա նշեց, որ չի կարդացել այդ փաստաթուղթը, սակայն ասաց, որ համաձայնության նման մի բան է եղել: Մեզ հետ զրույցում Ա. Գեւորգյանը նշեց, որ եթե համագյուղացիները դեմ են այդ ՀԷԿ-ի կառուցմանը եւ ինքն էլ այդ գյուղացիներից մեկն է, հրաժարվում է իր ստորագրած փաստաթղթից, պատճառաբանելով. «Ամբողջ գյուղի հողատարածքները էդտեղ են, եթե ՀԷԿ-ը կառուցվի, ջուրը կցամաքի:Դառնում ա անապատ, էլի, հողերը չորանում են»: Ա. Գեւորգյան իր համագյուղացիների պաքարը համարում է տեղին, ավելին` նա նույնպես միանում է այդ պայքարինեւ հնարավոր ամեն բան անելու է, որպիսի այդ  ՀԷԿ-ը չկառուցվի:

Վերջում Մարց գյուղի երկու բնակիչները մեծ հանգստությամբ նշեցին, որ շատ ուրախ են, որ ազատվեցին այսքան ծանր բեռից եւ հրաժարվեցին իրենց ստորագրած փաստաթղթից:

Լուսինե Ավագյան

________________________________

Բաժանորդագրություն.

Հարգելի ընթերցող, առաջարկում ենք բաժանորդագրվել «Գյումրի-Ասպարեզ» օրաթերթի թղթե տարբերակը: Այս կայքում հրապարակվում է թերթում լույս տեսած հոդվածների մի մասը միայն: Բաժանորդագրվելիս դուք կտնտեսեք էական գումար: Այսպես. թերթն ամեն օր գնելիս տարեկան ծախսելու եք 25.700 դրամ, իսկ տարեկան բաժանորդագրման դեպքում` ընդամենը 16.000 դրամ: Բաժանորդագրությունն իրականացվում է նաեւ 6 ամսով, 3 եւ 1 ամսով: Բաժանորդագրությունն իրականացվում է առայժմ միայն Գյումրիում:

Բաժանորդագրության առավելությունն այն է, որ անկախ տարվա եղանակից եւ ձեր զբաղվածությունից, դուք ամեն օր ժամը 9-12-ի միջակայքում, պայմանագրում ձեր նշած հասցեում կստանաք թերթը: 8 ամսվա ընթացքում մեր բաժանորդագիրներից որեւէ մեկին թերթը ոչ մի անգամ ուշ չի հասցվել:

Եթե կկամենաք բաժանորդագրվել, պարզապես զանգահարեք (0312) 50622, ձեզ կայցելի գործակալը:

Ընդունված կարգի համաձայն՝ մինչ քննություններին մասնակցելը՝ հավակնորդներն անցել էին վերապատրաստման 90-ժամյա վճարովի դասընթաց: Շիրակի մարզի մասնակիցները, ովքեր անցած տարիների համեմատ թվով քիչ էին, մասնակցել են  Գյումրու թիվ 3 ավագ դպրոցում՝ «Դասագրքերի եւ տեղեկատվական տեխնոլոգիաների հաղորդկացության շրջանառու հիմնադրամը»-ի կողմից անցկացվող դասընթացին եւ ստացել վերպատրաստման վկայականներ:

Ինձ հետ զրուցած գյումրեցի մասնակիցների խոսքերով՝ քննություններն անցել են կարգին համապատասխան եւ փոփոխություններ չեն եղել: Փոխոխություններ, վերջիններիս խոսքերով, սպասվում են այս տարվա աշնանը:

Գրավոր հարցաշարն ընդգրկել է Սահմանադրության, Աշխատանքային օրենսդրության, Կրթության մասին եւ այլ օրենքներին վերաբերող 800 հարց: Գրավոր քննությունը 90 տոկոս եւ ավել ճիշտ պատասխաններ ապահովվելուց հետո միայն թեկնածուններին հնարավորություն է տրվել մասնակցել  բանավոր քննությանը:

Գյումրու դպրոցների գործող տնօրեններն ու ժամանակավոր պաշտոնակատարները, ինչպես մեզ հետ զրույցում հայտնեցին, հաղթահարել են անցողիկ շեմը եւ շուտով ստանալու են ղեկավարման իրավունք:

Ղեկավարման իրավունք կստանա նաեւ Գյումրու թիվ 32 հիմնական դպրոցի տնօրենի ժ/պ Արմինե Սուքիասյանը, ով գործող տնօրենի՝ Գայանե Սիմոնյանի աշխատանքի ազատվելուց հետո, արդեն մեկ տարուց ավել ժամանակավորապես ղեկավարում էր դպրոցը, սակայն պահանջված հավաստագիրը չուներ: Արմինե Սուքիասյանի խոսքերով՝ ինքը գրավոր քննությունից ստացել է 58 միավոր (առավելագույնը 60 է), բանավորից՝ 6 կողմ ձայն:

Այս դպրոցում տնօրենի թափուր պաշտոնի մրցույթի մասին թեպետ մի քանի անգամ հայտարարվում էր, սակայն մրցույթը չէր կայանում. պատճառը, ինչպես մեզ հայտնի էր, հավակնորդ չլինելն էր: Երկուշաբթի արդեն դպրոցը գումարել է կառավարման խորհդի նիստ՝ որոշելու մրցույթի հայտարարման օրն ու ժամը:

Ինչպես մեզ փոխանցեց Գյումրու թիվ 37 ավագ դպրոցի տնօրենի ժ/պ Աստղիկ Ավետիսյանը, ինքը եւս քննություններն հաղթահարել է բարձր արդյունքներով՝ գրավոր առաջադրանքից 60 միավոր, բանավորից՝ 7 կողմ ձայն:

Ղեկավարման իրավունք կստանան նաեւ իրենց պայմանագրային ժամկետից շուտ հավաստագրման քննություններին մասնակացած Գյումրու թիվ 40 դպրոցի տնօրեն Անահիտ Աթոյանն ու թիվ 11 դպրոցի տնօրեն Հրայր Կարապետյանը: «Մրցույթներն ունեցել են նորմալ ընթացք, հանձնաժողովը եղել է օբյեկտիվ եւ անաչառ, գիտեցողն անցավ, չգիտեցողը՝ չանցավ»,-քննությունների մասնակիցների ընդհանուր կարծիքն այսպիսին էր:

Իսկ նորեկ տնօրենների համար վերապատրաստման դասընթացներն ու հավաստագրման քննությունները դրական եւ պարտադիր համարեց Աստղիկ Ավետիսյանը՝ նշելով, որ վերջիններս նորեկ տնօրեններին իրազեկում են ղեկավարման ոլորտի գիտելիքներով:

Ի դեպ, մի քանի օրից, ընդունված կարգի համաձայն, ԿԳՆ կայքէջում ամբողջությամբ կհրապարակվի հանրակրթական ուսումնական հաստատության ղեկավարման իրավունք ստացած անձանց ցանկը:

Անի Մկրտչյան

________________________________

Բաժանորդագրություն.

Հարգելի ընթերցող, առաջարկում ենք բաժանորդագրվել «Գյումրի-Ասպարեզ» օրաթերթի թղթե տարբերակը: Այս կայքում հրապարակվում է թերթում լույս տեսած հոդվածների մի մասը միայն: Բաժանորդագրվելիս դուք կտնտեսեք էական գումար: Այսպես. թերթն ամեն օր գնելիս տարեկան ծախսելու եք 25.700 դրամ, իսկ տարեկան բաժանորդագրման դեպքում` ընդամենը 16.000 դրամ: Բաժանորդագրությունն իրականացվում է նաեւ 6 ամսով, 3 եւ 1 ամսով: Բաժանորդագրությունն իրականացվում է առայժմ միայն Գյումրիում:

Բաժանորդագրության առավելությունն այն է, որ անկախ տարվա եղանակից եւ ձեր զբաղվածությունից, դուք ամեն օր ժամը 9-12-ի միջակայքում, պայմանագրում ձեր նշած հասցեում կստանաք թերթը: 8 ամսվա ընթացքում մեր բաժանորդագիրներից որեւէ մեկին թերթը ոչ մի անգամ ուշ չի հասցվել:

Եթե կկամենաք բաժանորդագրվել, պարզապես զանգահարեք (0312) 50622, ձեզ կայցելի գործակալը:

«Էկեք՝ տեսեք մեր վիճակը»

Գյումրու կենտրոնում գտնվող եւ բացարձակ անտարբերության մատնված տնակային այս թաղամասը Ավտոկայանն է: Ամենածանր պայմաններում ապրող անօթեւաններ, անբարեկարգ փողոցներ ու աղբակույտերով, առնետներով, գորտերով շրջապատված կիսավեր տնակներ. համայնքային իշխանությունների աչքերից խուփ՝ այստեղ շարունակում են ապրել ու գոյատեւել հարյուրավոր անապահով ընտանիքներ:

Ավտոկայանի բնակիչները քաղաքապետարանի ղեկավարներին՝ հրապարակը եղեւնիներից ազատելու փոխարեն, խնդրում են իրենց ազատել այս պայմաններից:

«Էկեք՝ տեսեք մեր վիճակը, մե հատըմ էկեք, էլի, տեսեք՝ ի՞նչ կկատարվի, ըբը էս հասարակ բաները՝ զիբլը, փողոցները, ով գուքա` իրա աչքի առաջը պուպուշ-լամիշ կենէ»,-Գյումրու ավագանու ադամներին ու քաղաքապետին է դիմում տարեց բնակիչներից մեկը:

Անի Մկրտչյան