«Միասնություն, շնորհակալություն, կներեք». սա Գյումրու «Ակտիվ ուսանողական շարժման» կարգախոսն է: Շարժման անդամները նշում են, որ, եթե մարդիկ միասին գործեն, կարողանան ասել ներողություն, շնորհակալություն, ապա անպայման կհասնեն արդյունքի:
Օգոստոսի 8-ին կայացած մամուլի ասուլիսին ներկայացվեցին շուրջ մեկ ամիս առաջ ձեւավորված շարժման նպատակները: [...]
Խնդիրներ, դժվարություններ, անլուծելի ու անպատասխան թվացող հարցեր: Մինչդեռ, շատ հաճախ, իրավիճակը, որում գտնվում եք, ունի պարզ եւ արագ լուծում, որի մասին անգամ չէիք կռահում: Պարզապես անհրաժեշտ է մեկը, ով կլսի եւ կտա մասնագիտական` հոգեբանական, խորհուրդ: Հարցեր ունենալու դեպքում` դրանք կարող եք ուղղել մեր հոգեբանին հետեւյալ էլեկտրոնային հասցեով` alisahakobyan@gmail.com: Եթե անգամ խնդրի լուծումն ամբողջությամբ չստանաք, ապա ճիշտ որոշում ընդունելու ուղին, ամեն դեպքում, կմատնանշվի:
Պատասխանում է հոգեբան Աշոտ Հակոբյանը [...]
Սեպտեմբերին կայանալիք ընտրությունները Գյումրիում հետաքրքիր են լինելու ոչ միայն քաղաքապետի մասով, այլեւ` ավագանու: Այդ հետաքրքրությունն առաջացել էր դեռ այն պահին, երբ ձեւավորվել էր «Քաղաքը մերն է» քաղաքացիական նախաձեռնությունը եւ հայտ ներկայացրել մասնակցել ընտրություններին: Այն ինքնին, որպես ավագանու ընտրություններին մասնակցող թիմային միավոր, նորություն է Հայաստանում: Գիտենք, թե մինչ այժմ ինչպես են ընթացել ավագանու ընտրությունները ոչ միայն Գյումրիում, այլեւ Հայաստանում, գիտենք, թե հիմնականում հասարակական ինչ շերտի անձինք են եղել ու ովքեր են ընտրվել, ինչու եւ ինչպես են ընտրվել, ընտրվելուց հետո ինչ են արել ու ինչ մասնակցություն ունեցել քաղաքին վերաբերող որոշումների ընդունմանը: Առանց մանրամասնությունների մեջ մտնելու ասենք, որ պատկերը բոլոր առումներով տխուր է եղել: [...]
Շիրակի Թեմի Սոցիալ-կրթական կենտրոնում կազմակերպված 5-օրյա բակային ճամբարը համախմբել է «Կորյուն» պատանեկան միության 6-12-րդ դասարանների շուրջ 50 աշակերտների:
«Կորյուն» պատանեկան միության հոգեւոր ոլորտի պատասխանատու Տեր Նշան քահանա Պանֆյորովը նշում է, որ պատանեկան միության երիտասարդ աջակիցները ձեռնարկեցին բակային ճամբարի անցկացում` նպատակ ունենալով նորաստեղծ միության` տարբեր դպրոցների ներկայացուցիչներին մտերմացնել. [...]
Վարդան Ղուկսյանը տեղեկանք վերցրե՞լ է, թե՞ ոչ
Հանրապետական կուսակցության փոխնախագահ Գալուստ Սահակյանը»Ազատություն՚ ռադիոկայանի հետ զրույցում վերահաստատել է Գյումրիի քաղաքապետի ընտրություններում «Բարգավաճ Հայաստան» կուսակցության կողմից առաջադրված Սամվել Բալասանյանին սատարելու դիրքորոշումը. «ՏԻՄ ընտրություններին գնում ենք ոչ թե այն մոտեցմամբ, որ թեկնածուն պարտադիր հանրապետական պետք է լինի, այլ որ թեկնածուները մոտ լինեն ժողովրդի ցանկություններին եւ ավելի բարձր գնահատված լինեն ժողովրդի կողմից: Մեր վերլուծություններով՝ Բալասանյանը բավականին ձայներ ունի Գյումրիում»։ [...]
«Արթուրը մտածում է՝ պարտված է, որ չի հաղթել»
«Իսկական մարզական կամք ունի` պարտությունը չխանգարեց հաղթանակների շարքին, եւ նա սառնասրտորեն հաղթեց բոլորին՝ հասնելով մեդալի: Երիտասարդ, բայց շատ շնորհալի մարզիկ է: Ապրես, հայի պատիվը բարձ պահող տղա»: Գյումրեցի ըմբշամարտիկ Արթուր Ալեքսանյանի հաղթական մենամարտից հետո այս եւ նմանատիպ շնորհավորանքներով ողողված էին համացանցն ու սոցիալական կայքերը: Հաղթանակը սպասված էր, իսկ ոգեւորությունն անասելի մեծ՝ հատկապես գյումրեցիների համար: [...]
Մահացել են վարորդը եւ երեք ուղեւորները
Օգոստոսի 8-ի գիշերը՝ ժամը 03:00-ի սահմաններում, Գյումրու Շիրակացի եւ Վազգեն Սարգսյան փողոցների խաչմերուկում՝ Սախարովի անվան հրապարակում տեղի է ունեցել ավտովթար, որի արդյունքում մահացել են «Մերսեդես E320» մակիշի «20 ՏՏ 529» պետհամարանիշի մեքենայի վարորդը եւ երեք ուղեւորները՝ գյումրեցիներ Անի թաղամասի Արամ Խաչատրյան փողոցի 9-րդ շենքի բնակիչ Սեւակ Հովհաննիսյանը (1986թ.), Մոցարտ փողոցի 35 տան բնակիչ Սամվել Մինասյանը՝ (1988թ.), Մոցարտի 66 տան բնակիչ Մկրտիչ Մանուկյանը՝ (1988թ.), Իսրայելի քաղաքացի, բայց ներկայում Գյումրի հյուրընկալած ու Անի թաղամասում բնակվող Էդգար Ավագյանը՝ (1987թ.): Նախնական տվյալներով, մեքենան նախ բախվել է ծաղկի խանութի պատին, այնուհետ շրջվել եւ բախվել կից գտնվող շինության ակյունապատին: [...]
