Երեկ Գյումրին վերածվել էր քննարկումների բաց հարթակի` թուրք պատվիրակության, հայկական ու միջազգային ինստիտուտների ներկայացուցիչների համար` հայ-թուրքական մշակութային, քաղաքական ու սոցիալական խնդիրների ներկայացման կոնտեքստում:
Իտալիայի պատվո հյուպատոսարանի կողմից կազմակերպված «Գյումրին բաց քաղաք» ծրագրի շրջանակներում անցկացվող կոնֆերանս-բանավեճը ծավալվեց «Թուրքական հիշողության վերադարձը», «Հայկական ինքնությունը», «Անատոլիայի մշակույթը» եւ այլ թեմաների շուրջ: [...]
Գյումրին ու Կարսը ավանդաբար եղել են հարազատ քաղաքներ, այժմ նրանք միմյանցից հեռացել են` միակ կամուրջը, որ կարող էր լինել, երկու երկրները կապող երկաթուղին է, այն էլ` արդեն մոտ երկու տասնամյակ, չի գործում: Ուստի` փակ սահմաններով երկրների միջեւ որոշակի կապ հաստատելու համար, հասունացավ եւ կյանքի կոչվեց ֆոտոկամուրջ ստեղծելու գաղափարը: [...]
«Գյումրի. Բաց քաղաք» ծրագրի շրաջանակներում Թուրքիայից Գյումրի այցելած հյուրերը «Հոկտեմբեր» կինոթատրոնում տեղի ունեցած ֆիլմի դիտումից եւ կոնֆերանս-բանավեճից հետո այցելեցին Խաղաղության եւ զարգացման միջազգային կենտրոնին նվիրված «Ղարս-Վիլլա» կառույց: Այցելության նպատակն էր ծանոթանալ վերակառուցվող շինությանը: Իտալիայի պատվո հյուպատոս Անտոնիո Մոնտալտոյի վստահեցմամբ, «Ղարս-Վիլլա» կառույցում կիրառվել է մի մոդել, որն իր մեջ պարունակում է երկու տարր` սոցիալ-մշակութային եւ սոցիալ-բիզնեսային: Պատվո հյուպատոսը նշեց, որ կառույցի աշխատանքներն ավարտվելու են երկու-երեք ամսից: [...]
Օրեր շարունակ հայ-ադրբեջանական եւ ղարաբաղա-ադրբեջանական զորքերի շփման գծում տեղի ունեցող դիվերսիոն գործողությունները լարվածության մեջ են պահում բոլորին: Այս դեպքերի վերաբերյալ քննարկումներն ստացել են լայն զանգվածայնություն: Բնականաբար, հնչող տեսակետները, տեղեկատվությունն ու ապատեղեկատվությունն ավելացնում են առաջին գծում զինծառայող ունեցողների անհանգստությունն ու տագնապը: [...]
Երեկ հերթական միասնական քննությունը կայացավ Գյումրու թիվ 21 հիմնական դպրոցում: Ըստ ցուցակի` «Ռուսաց լեզու» առակայից քննություն էր հանձնելու 97 դիմորդ, սակայն այս անգամ եւս կային բացականեր: Ներկա 82 դիմորդներին տեղավորել էին մեկ քննասենյակում: Ի տարբերություն նախորդ քննության, երեկ էկրանի արտացոլանքից ծնողներն առանձնապես դժգոհություններ չունեին: Ընդհանուր առմամբ մտավախություն էլ չկար: Ինչպես հետո պարզ դարձավ, այս քննությունը որոշ դիմորդների համար լրացուցիչ էր, իսկ մյուս դիմորդներն հիմնականում ունեին ռուսական կրթություն: [...]
Արդեն հայտնի է Գյումրիում տեղական ինքնակառավարման մարմինների ընտրության օրը. քաղաքապետի ու ավագանու ընտրությունները կայանալու են սեպտեմբերի 9-ին: Այսինքն` մնացել է ընդամենը երեք ամիս, եւ կարելի է ասել, որ արդեն քաղաքական ու հասարակական ուժերը նախապատրաստական աշխատանքներ են տանում այդ ընտրություններին մասնակցելու համար: [...]
Նախօրեին Գորկայի այգում տոնականության մթնոլորտ էր տիրում: Մարդիկ գալիս էին մասնակցելու Եղիշե Չարենցի կիսանդրու բացման հանդիսությանը: Սա գյումրեցու հարգանաի տուրքն էր հայ մեծ պոետին: Կիսանդրու հեղինակն է Զավեն Կոշտոյանը: Ինձ հետ զրույցում նա ասաց, որ անչափ հուզված է, դժվարանում է խոսել: Միայն նշեց, որ մեծ բանաստեղծի կերպարային կերտվածքն իր մեջ երկար է «դեգերել», ապա ցույց տվեց ցուցասեղանին դրված նրա գրքերից մեկում տպագրված լուսանկարն ու ասաց, թե այդտեղ Չարենցը շատ «խարակտերային» է: Հանդիսությանը եկել էին մասնակցելու նաեւ մայրաքաղաքից ժամանած արվեստագետներ եւ մտավորականներ: [...]
