-Հիմա ես որտեղի՞ց 10-11.000 դրամով պարարտանյութ առնեմ: Ամեն տարի գարնանը գնում եմ Ռուսաստան, թե չէ 5 երեխեքիս ինչո՞վ եմ պահելու: Գյուղի տան սաղ հոգսերը թողնում եմ կնոջս ու երեխեքիս վրա ու ստիպված գնում եմ,-ասում է Փոքր Մանթաշի 60-ամյա բնակիչ Խաչիկ Խլղաթյանն ու ավելացնում,-երեխեքիս համար ապագա էլ չկա գյուղում, չգիտեմ ինչ է լինելու, ունենք ընդամենը մի դպրոց ու մանկապարտեզի ավերված մի շենք: [...]
Ամսական արխիվ` Մայիս 2012
«Անխելքության» ժամանակը
Հովիկ Աբրահամյանը նախընտրական շրջագայության մեկնեց ՀՀԿ ընտրական շտաբ, անցավ ընտրական գործընթացների համակարգման ու հաղթանակի բովով եւ` հաղթողի դափնեճյուղը ճակատին, հերոսաբար նորից վերադարձավ Ազգային ժողով: Մարդն ասել էր, չէ՞, ետ է վերադառնալու, ու վերադարձավ: Մարդն ասել էր, չէ՞, քաղաքականությամբ զբաղվելու համար մեծ խելք հարկավոր չէ, իսկ մենք` միամիտ լսողներս չհավատացինք, ու ամիսներ շարունակ խելոք-խելոք դատողություններ էինք անում, թե Հովիկին պատժում են, Հովիկին մեկուսացնում են, Հովիկին` այս, Հովիկին` այն: [...]
Իշխանություն ունենք՝ աշխարհը չունի
Մայիսի 6-ին ՀՀ քաղաքացիներն ընտրեցին Ազգային Ժողովի 5-րդ գումարման պատգամավորներին: Մայիսի 30-ին Կենտրոնական ընտրական հանձնաժողովում տեղի ունեցավ պատգամավորների մանդատների հանձնման արարողությունը, որին չմասնակցեցին Կոնգրեսի ու «Ժառանգության» ներկայացուցիչները: Նրանք չմասնակցեցին նաեւ մայիսի 31-ին կայացած ԱԺ 5-րդ գումարման առաջին նիստին:
Հիշեցնենք, որ ընտրությունների արդյունքում խորհրդարան անցան 6 ուժեր. ՀՀԿ, ԲՀԿ, ՀԱԿ, ՀՅԴ, ՕԵԿ, «Ժառանգություն»: Չնայած ԱԺ-ում վեց խմբակցությունների առկայությանը, անզեն աչքով էլ պարզ է դառնում ՀՀԿ-ի գերազանցող կարգավիճակը: Չնայած սրան՝ ՀՀԿ-ն կոալիցիա կազմեց ՕԵԿ-ի հետ: [...]
Ջազային ստեղծագործություններ`10-ամյա կոմպոզիտորից
Մարիաննա Զաքարյանը Գյումրու Փյունիկ արվեստի դպրոցում սովորում է արդեն 3 տարի: Վոկալի դասը 10-ամյա փոքրիկի համար սկսվում է ձայնային վարժություններից, հետո արդեն դեպի երաժշտության մեծ աշխարհը տանող փոքրիկ քայլերը օգնում են յուրացնել դասական երգեցողության գաղտնիքները: Մանկական բոլոր հետաքրություններից զատ` Մարիաննայի ցանկություններն ու երազանքները պտտվում են երաժշտական մոլորակի շուրջ: [...]
Մուրադ Գրիգորյան.«Նրանց մասին հիշելու ցանկություն եւ ժամանակ չի մնում»
Հարցազրույց ՀԱԿ Գյումրու գրասենյակի համակարգող Մուրադ Գրիգորյանի հետ
-Վերջերս որոշ կուսակցություններ ու անհատներ դուրս եկան Կոնգրեսից: Արդյո՞ք դա ազդեց ՀԱԿ-ի գործունեության վրա: Եթե այո, ապա ինչպե՞ս:
-Առանձին անհատներ իրենց անձնական ինչ-ինչ կողմնորոշումներից, դրդող պատճառներից, գուցե նաեւ ակնկալիքներից ելնելով դուրս եկան, սակայն դա ՀԱԿ-ի վրա բացարձակապես ոչ մի ազդեցություն չի թողել՝ Կոնգրեսը կա եւ իր գործունեությունը շարունակում է: [...]
Հերթական թեժ կետը մայրաքաղաքում
Մայիսի 30-ին, Երեւանի Նալբանդյան 106/1 հասցեում, հատվել են 17 ծառերից 16-ը: Տարածքի կառուցապատող «Ավագ Շին» ընկերությունը, ժամը 12:00-ից փորձ է կատարել ծառերի տեղափոխման համար տարածք մտցնել տեխնիկա: Ըստ «Ժառանգություն» կուսակցության անդամ Ստյոպա Սաֆարյանի, կառուցապատողներն իրենց գործողություններով սադրել են տեղում հավաքված բնակիչներին, բնապահպան ակտիվիստներին, ապա հարձակվել բնակիչների վրա: [...]
Ինքնասպանության դեպք Փանիկում
Մայիսի 30-ին, առավոտյան ինքնասպան է եղել Շիրակի մարզի Փանիկ գյուղի բնակիչ, 62-ամյա Ռաֆիկ Պետոյանը` կախվելով իր տան ձեղնահարկում: [...]
Գյումրեցի նկարչուհին` կյանքի ու ստեղծագործության դիտանկյունից
-Եթե ես նկարիչ եմ դարձել, չեմ կարծում, թե դա պատահական է, եւ բոլորովին պարտադիր չէ, որ մեր ազգից որեւէ մեկը նկարիչ լիներ: Արվեստի բոլոր ճյուղերը ներքին կապով կապված են իրար: Մայրս անչափ պոեզիա էր սիրում, այնքան շատ բան գիտեր եւ հատկապես Թումանյան, որովհետեւ տեսել էր նրան մի քանի անգամ: Հայրս ժողովրդական բանահյուսություն էր շատ սիրում: Ինքը ձայն չուներ երգելու համար եւ ոչ էլ կարգին երաժշտական լսողություն ուներ, բայց անչափ մեծ սեր ուներ ժողովրդական երգի հանդեպ: [...]
Միասնական քննությունների մեկնարկը հունիսի 1-ից
Շիրակի մարզից միասնական քննությունների մասնակցության հայտ ներկայացրած 1551 դիմորդներ վաղվանից կսկսեն հանձնել քննությունները: Միասնական քննությունների անցկացման համար Գյումրու թիվ 10, 11 եւ 21 հիմնական դպրոցներում կազմվել են քննական կենտրոններ:
Միասնական քննության առաջին օրը թիվ 21 դպրոցում 36 դիմորդ քննություն կհանձնի «Աշխարհագրություն» առարկայից: Ինչպես երեկ կեսօրին մեզ տեղեկացրեց [...]
Օլիգարխիան արգելակում է գիտության զարգացումը
Իշխանությունը, օլիգարխիան շահագրգռված չեն հանրապետությունում գիտության զարգացմամբ, քանի որ այն մեծածավալ ներդրումներ պահանջող ոլորտ է եւ այն գումարները, որ նրանց ձեռքին են գտնվում, պետք է օգտագործվեին գիտության զարգացման համար` նպաստելով ներքին եւ արտաքին շուկայի հագեցմանը: Մինչդեռ, օլիգարխներն ավելի շատ ուշադրություն են դարձնում իրենց համար տվյալ պահին առավել ձեռնտու եւ ավելի փոքր ներդրումներ պահանջող ոլորտների զարգացմանը` հաճախ դրանք դիտելով որպես ինքնագովազդի միջոց: [...]
