Գլխավոր

Գյումրու ջրամատակարարման ու ջրահեռացման ենթակառուցվածքների վերանորոգման նպատակով «Բնապահպանական փորձաքննություն» ՊՈԱԿ-ի՝ մայիսի 17-ին Գյումրու քաղաքապետարանում  նախատեսված հանրային լսումը, թեեւ որպես այդպիսին չկայացավ, բայց նեղ շրջանակում տեղի ունեցած քննարկման ու առաջարկների փոխանակման ընթացքում մասնակիցների կողմից կազմվեց արձանագրություն` նախագծում փոփոխություններ կատարելու  մասին: Առաջարկվեց եւս մեկ անգամ ավելի ընդլայնված կազմով հանրային քննարկում կազմակերպել: [...]

Կազմակերպիչները լավ չէին ծանուցել, վատ էին ծանուցել

Մայիսի 17-ին Գյումրու քաղաքապետարանում նախատեսված հանրային քննարկումից` «Համայնքային ենթակառուցվածքների ծրագրի 2-րդ փուլ ջրամատակարարման եւ ջրահեռացման ենթակառուցվածքների վերկանգնումը Գյումրիում» նախագծի վերաբերյալ, պարզվեց, բացի համացանցից ակտիվորեն օգտվող մեկ-երկու հոգուց, ոչ ոք տեղյակ չէր: Ոչ քաղաքապետարանի մամուլի պատասխանատուն եւ բնակկոմունալ ու շրջակա միջավայրի պահպանության բաժինը, ոչ մարզպետարանը, ոչ էլ լրատվամիջոցները: [...]

Ըստ ՀՀ անձնագրային եւ վիզաների վարչության` «Գյումրի-Ասպարեզ» օրաթերթին տրամադրած տեղեկությունների, 2012 թվականի հունիսի 1-ից նախատեսվում է անցում կատարել կենսաչափական տվյալներով ինքնությունը հաստատող փաստաթղթերի համակարգին: Այս մասին որոշումը ընդունվել է 2011 թվականի նոյեմբերի 30-ին «Հայաստանի Հանրապետության քաղաքացու անձնագրի մասին» օրենքով: Կենսաչափական տվյալներով ինքնությունը հաստատող անձնագիրն  օգտագործվելու է հանրապետությունից դուրս գնալու, վերադառնալու համար, պարունակելու է կենսաչափական տվյալների էլեկտրոնային պահոց, որում ամրագրվելու են օրենքով նախատեսվող տեղեկություններ անձի վերաբերյալ, այդ թվում` քաղաքացու թվայնացված լուսանկարը, ստորագրությունը, աջ եւ ձախ ցուցամատների մատնադրոշմները:

[...]

-Քննարկման արդյունքում մենք ուզում ենք ունենալ համագործակցության ծրագիր շահագրգիռ կողմերի հետ,-մայիսի 16-ին կլոր սեղան-քննարկման ժամանակ ասաց «Հայկական Կարիտաս» բարեսիրական ՀԿ-ի «Ընտանեկան կենտրոնների կարողությունների հզորացում» ծրագրի ղեկավար Հասմիկ Սարգսյանը,-տարբեր կառույցների, ՀԿ-ների հետ համատեղ ցանկանում ենք մշակել այն ռազմավարությունը, որով հետագայում կաշխատենք պետական կառույցների հետ` ի շահ աղքատության դեմ պայքարի, երեխանների, ընտանիքների խնդիրների լուծման: Մեր ծրագրի շրջանակում մենք տրամադրում ենք սոցիալ-հոգեբանական օգնություն, տալիս ենք մասնագիտական ուսուցում ծնողներին եւ երեխաններին:  [...]

Ախուրյան գետի վտակներից է Գյումրի գետակը: Այն սկիզբ է առնում Մայիսյան գյուղից, քաղաքում անցնում մոտ 10 կմ եւ թափվում Ախուրյանի ջարամբար: Ներկայում քաղաքային աղբանոց դարձած սելավատարի ապագան մտահոգում է բնակիչներին: Նրանք նաեւ ճարահատյալ են եւ աղբը թափում են այնտեղ. երկար փայտով կամ բրիչով աղբը գետի մեջ տարածելու փորձ ունեն բնակիչները. բողոքը ֆոտոխցիկի առջեւ հայտնելու ցանկություն սակայն նրանցից եւ ոչ մեկը չունի: Երկար տարիներ նույն կեղտոտ ու սանիտարահիգիենիկ պայմաներից բոլորովին հեռու «չայը» դարձավ ուշադրության առարկա նաեւ Գյումրու Ավտոկայան թաղամաս մտած յուրաքանչյուր հյուրի համար: Գետակի այս տարածքում մաքրման նպատակով հայտնված մարդկանց բնակիչները տեսել են մեկ էլ 1 տարի առաջ: Աղբամանի ներկայությունը աղբից ազատվելու տարբերակ չէ. այս կարծիքն ընդահանուր է այստեղ: [...]

Շիրակի մարզի գյուղերում խոշոր եղջերավոր անասունների` սիբիրախտով վարակվելու դեպքերը շատանում են հատկապես գարնան ամիսներին: Սակայն սա միակ հարցը չէ, որ  մտահոգիչ է: Մսի վաճառքը շատ դեպքերում իրականացվում է առանց համապատասխան փաստաթղթերի, չեն պահպանվում սանիտարահիգիենիկ նորմերը: Շիրակի մարզի փրկարարական վարչության բնակչության պաշտպանության բաժնի մասնագետ Էմմա Ներսիսյանի խոսքերով, Գյումրու  շուկայի տարածքում` մսի վաճառքի թվով 3 կետերում հայտնաբերվել են առանց անասնաբուժական փաստաթղթերի տավարի մորթից ստացված մսի վաճառքի դեպքեր: Գյումրու ինֆեկցիոն հիվանդանոց տեղափոխված 4 բնակիչների մոտ հայտնաբերվել է սիբիրախտ հիվանդությունը: [...]

Ըստ «Հայորդաց տան» (Սպայի տուն) շինարարության տեխնիկական վերահսկողությունն իրականացնող Ժորա Լորեցյանի, եթե ամեն ինչ բարեհաջող ավարտվի, 1 ամսից մշակութային այս օջախը  շահագործման է հանձնվելու:

Այն գտնվում է Գյումրու Կենտրոնական զբոսայգու եւ Սպիտակ հիվանդանոցի միջեւ: Ժ.Լորեցյանի խոսքերով, շահագործման հանձնվելուց հետո այնտեղ կգործեն տարբեր խմբեր՝ երգի, պարի, նկարչության, ոսկերչության, գոբելենագործության, քանդակագործության, նաեւ մշակութային այլ բաժիններ, գործելու է բարեգործական ճաշարան: [...]

Հանդիսատեսը բեմին, բեմը` փոքրիկ դահլիճի վերածված: Թատրոնի համար սովորական, իսկ հանդիսատեսին անսովոր այս մթնոլորտը աբսուրդյան բնորոշ խորհրդավորությամբ հենց սկզբից ներկայացման շտապած հանդիսատեսին հանկարծակիի բերեց: [...]

Ազգային ժողովի ընտրություններից օրեր անց Հայ ազգային կոնգրեսի որոշ  կուսակցություններ հայտարարեցին Կոնգրեսը լքելու իրենց հնարավոր մտադրությունների մասին: Պատգամավորական մանդատից հրաժարվեց «Հանրապետություն» կուսակցության առաջնորդ Արամ Սարգսայանի՝ չբացառելով նաեւ ՀԱԿ-ից դուրս գալու տարբերակը: Ա.Սարգսյանի հայտարարությունից օրեր անց  Աշոտ Զաքարյանը հրաժարվեց ՀԱԿ-ի Գյումրու տարածքային գրասենյակի համակարգողի պարտականութուններից՝ հայտարարելով նաեւ Կոնգրեսից դուրս գալու մասին: Կոնգրեսի հետագա գործունեության ու հավանական փլուզման մասին զրուցեցինք  ՀԱԿ ներկայացուցիչ, պատգամավորության նախկին թեկնածու Շալիկո Զորյանի հետ.

[...]

Վերջին մի քանի օրերին մամուլում լուրեր էին շրջանառվում, թե իշխանությունը որոշել է Գյումրու քաղաքապետ Վարդան Ղուկասյանին տանել Ազգային ժողով, իսկ քաղաքապետի պաշտոնում նրան փոխարինել թիվ 34 ընտրատարածքի պատգամավորության նախկին թեկնածու, ՀՀԿ-ական Արման Սահակյանով: Բացի այդ, լուրեր էին շրջանառվում նաեւ Արման Սահակյանի՝ մարզպետ նշանակվելու մասին: [...]

Հայկական պետական եւ ոչ պետական ԲՈՒՀ-երում շարունակվում  է դիմորդների փաստաթղթերի ընդունման եւ հայտագրման գործընթացը: Գնահատման եւ թեստավորման կենտրոն  հանրապետության մարզերից ամենամեծ թվաքանակով դիմում-հայտեր  ներկայացրել են Շիրակի մարզի դպրոցների ու վարժարանների շրջանավարտները: Թե մարզի 1551 հայտագիրներից ո՞ր մասը կնախընտրի տեղի պետական եւ ոչ պետական ԲՈՒՀ-երը, պարզ կլինեն փաստաթղթերի ընդունման վերջնաժամկետին: Մայիսի 5-ից տրված փաստաթղթերի ընդունման մեկնարկը կավարտվի հունիսի 1-ին: Հունիսի մեկից, ավելի կոնկրետ՝ ընդունելության քննությունների ավարտից հետո, պարզ կլինեն բարձրագույն ուսումնական հաստատություների թեժ մրցակցային եւ թափուր բաժինները: [...]

Պարզվում է, միայն ճանապարհների հարցը չէ, որ չեն կարողանում լուծել այստեղ…

Այս տարվա սկզբից «Գյումրի-Ասպարեզ» օրաթերթը յուրաքանչյուր երկուշաբթի Գյումրու քաղաքապետարանից տեղեկություն էր ճշտում, թե երբ է կայանալու ավագանու հերթական նիստ, արդյո±ք այդ շաբաթվա ընթացքում ավագանու նիստ լինելու է, նպատակը նիստերի լուսաբանումն էր՝ դրա ընթացքը, որոշումների կայացումը, քննարկումները եւ այլն: Քաղաքապետարանում երեւի դավադրություն են կասկածել եւ բազմիցս զարմացած արձագանքել են. «Ինչո՞ւ եք այդքան հաճախ հետաքրքրվում ավագանու նիստերովե: Մենք, իհարկե, չենք բացատրել, որ մենք քաղաքի ավագանու նիստերով ենք հետաքրքրված, ոչ թե Տաշքենդի: [...]