Գլխավոր

Այսօր Գյումրու ավագանու հերթական նիստն էր՝ օրակարգում տեղ գտած 15 հիմնական եւ 5 լրացուցիչ հարցերով: Նիստը սկսվեց սահմանաված ժամից կես ժամ ուշացումով, քանի որ ավագանու 21 անդամներից ներկայացել էին ընդամենը 8-ը: Քվորում չլինելու պատճառով Սամվել Բալասանյանն առաջարկեց սպասել կես ժամ, մինչեւ ավագանու մյուս անդամները կհայտնվեն: Նիստի կես ժամով հետաձգումը կարողացավ ապահովել ավագանու 11 անդամների ներկայությունը միայն: Մինչ ավագանու նիստը սկսելը, Սամվել Բալասանյանը լրագրողներին փորձում էր երկար բացատրել, որ որեւէ արտառոց բան չկա, շատ սովորական երեւույթ է, ավագանու անդամը կարող  է հարգելի պատճառներով բացակայել: [...]

Այսօր Գյումրիում  տեղի ունեցավ ավագանու հերթական նիստը: Սկզբում նիստը սկսելու համար քվորում չէր ապահովվում, քանի որ նիստին ներկա չէին ավագանու անդամներից կեսից ավելին:  Ըստ ՏԻՄ օրենքի, համայնքի ավագանու նիստն իրավազոր է, եթե նիստին ներկա են ավագանու անդամների կեսից ավելին: Եթե կես ժամվա ընթացքում չի ապահովվում նիստի իրավազորությունը, կամ նիստին չի ներկայանում համայնքի ղեկավարը, եւ նիստը չի սկսվում, ապա նիստի չկայացման մասին կազմվում է արձանագրություն, որն ստորագրում են ավագանու՝ նիստին ներկայացած անդամները: [...]

Հունիսի 18-ին Գյումրու ավագանու նիստի օրակարգ ընդգրկված հարցերից մեկը վերաբերում էր համայնքի հաշվեկշռում հաշվառված ճանապարհային լուսացույցները եւ այլ տեխնիկական միջոցները Հայաստանի Հանրապետությանը նվիրատվությամբ հանձնելու մասին հարցը: Քանի որ քաղաքապետարանի հնարավորությունները թույլ չեն տալիս քաղաքի բոլոր խաչմերուկներում տեղադրել լուսաֆորներ, ճանապարհային երթեւեւկությունը կարգավորող նշաններ, վերանորոգել եւ թարմացնել նախկինում տեղադրված նշանները, անընդհատ կատարել փողոցների գծանշում, իսկ կառավարության կողմից համապատասխան միջոցներ չեն տրամադրվում,  նպատակահարմար է այդ ամենը փոխանցել ճանապարհային ոստիկանությանը, իսկ նշված գույքը փաստացի վիճակով հանձնել ՀՀ կառավարությանը, նշեց  քաղաքապետարանի բնակկոմունալ բաժնի պետ Կնյազ Մանասյանը: [...]

Հելսինկյան Քաղաքացիական Ասամբլեայի Վանաձորի գրասենյակի կողմից կազմակերպվել էր սեմինար-դասընթաց՝ «Զորակոչիկների եւ զինծառայողների իրազեկումը եւ նրանց ներգրավումը իրենց իրավունքների պաշտպանության մեջ» թեմայի շուրջ: Ծրագիրը նպատակ ունի զորակոչիկներին եւ ապագա զինծառայողներին իրազեկել զորակոչի եւ զինծառայության ընթացքում իրենց իրավունքների վերաբերյալ: [...]

Արդիումս Հայաստանի համար շատ կարևոր է ունենալ WordPress-ը մայրենի լեզվով: Գյումրիի Տեղեկատվական Տեխնոլոգիաների Կենտրոնը (ԳՏՏԿ) (http://www.gitc.am), հանդիսանալով WordPress համայնքի մի մաս, ամերիկացի գործարար Թոդդ Ֆաբաքերի հետ համատեղ փորձում է Հայաստանում գործող սկսնակ ընկերություններին, որոնք աշխարհի գրեթե բոլոր զարգացող երկրներում մեծ թիվ են կազմում, հնարավորություն տալ աշխատելու WordPress CMS-ով իրենց իսկ մայրենիլեզվով: [...]

Հունիսի 18-ին՝ ժամը 10:20-ին, Շիրակի մարզային փրկարարական վարչությունը Գյումրու շտապբուժօգնության կայանից ահանզանգ է ստացել, որ Մուշ-2 թաղամասի 10/2 շենքի 23 բնակարանի բնակիչ, 1953 թվականին ծնված Բաբկեն Պապիկյանը նետվել է պատուհանից եւ պահանջվում է փրկարարների օգնությունը՝ տան դուռը բացելու համար: Դեպքի վայր մեկնած փրկարարական ջոկատը սանդուղքի միջոցով բարձրացել է 4 հարկում գտնվող վերը նշված բնակարան ու ներսից բացել դուռը: [...]

Անհունից իջած պայծառ խոհերում

Կարծես ժպտում է քաղաքը, այգին,

Ուր դարբինների մուրճերն են զնգում,

Նախշեր պարգեւում համառ երկաթին:

Գյումրին ու հայրենի Լեռնակերտը պատկերող այս եւ այլ բանաստեղծություներն  այսօր Շիրակի թեմի սոցիալ-կրթական կենտրոնի դահլիճում ներկայացրեց ծնունդով շիրակցի, բայց երեւանաբնակ բանաստեղծուհի Ազնիվ Կարապետյանը: [...]

vanadzor.am կայքի Հայտարարություներ բաժնում նախկինում ոչ ամսաթիվ էր նշվում, ոչ էլ ժամ: Այժմ այդ խնդիրը քաղաքապետարանի կայքն այլեւս չունի: [...]

«Ասպարեզ» օրաթերթի նախորդ համարներից մեկում անդրադարձել էինք Կոմերտմիության այգու տարածքում բնակվող բնակիչների խնդիրներին: Նրանք ցանկանում են սեփականաշնորհել իրենց տնակները, քանի որ շատ բազմանդամ ընտանիքներ նոր բնակարաններ են ստացել, սակայն սենյակները չեն բավարարում, որ ընտանիքի բոլոր անդամները տեղափոխվեն նորակառույց բնակարաններ: Ընտանիքների որոշ մասը ստիպված մնում են կանաչ գոտի հանդիսացող այդ տարածքում գտնվող տնակներում: Դրանց մեջ կան նաեւ քարաշեններ, որոնք ինքնակամ շինություն են համարվում: Տարածքում կան նաեւ շինարարական աղբի կուտակումներ, որոնք առաջացել են բնակիչների` նոր բնակարաններ տեղափոխվելու եւ տնակների քանդման արդյունքում: [...]

Հունիսի 18-ին Վանաձորի քաղաքապետարանում կայացած Ավագանու հերթական նիստին ներկա էին Ավագանու 20 անդամներից 18-ը: Օրակարգում նախատեսված 16 հարցի փոխարեն քննարկվեցին 19 հարցեր:

Օրակարգի հարցերից մեկը վերաբերում էր Վանաձորի Ավագանու 2012 թվականի  նոյեմբերի 7-ի «Վանաձորի համայնքի բյուջեն հաստատելու մասին» թիվ 58-Ն որոշման մեջ փոփոխություններ կատարելուն: Փոփոխություններն ընդունվեցին միաձայն: [...]

Նկատվում է բժիշկ-մասնագետների պակաս

Արդեն 2-3 ամիս է, ինչ Գյումրու «Սամարիթեր» հիվանդանոցում գործում է վերականգնողական բաժանմունք, որտեղ, մասնագետների խոսքերով, նկատվում է հիվանդների  ակտիվ հոսք: Նախապես ստեղծվել է 15 աշխատատեղ: Հիվանդանոցը վերանվանվելու  է «Սամարիթեր» վերկանգնողական կենտրոն, կենտրոնում առաջիկայում կհայտարարվի տնօրենի թափուր տեղի մրցույթ: Մինչ մրցույթի հայտարարելն ու անցկացնելը` կենտրոնը ժամանակավորապես ղեկավարելու է «Սամարիթեր» հիվանդանոց ՓԲԸ նախկին տնօրեն Ռաֆիկ Խաչատրյանը:

Նորաբաց բաժանմունքի բուժսպասարկման, հետագա ծրագրերի մասին զրուցեցինք Ռ.Խաչատրյանի հետ: [...]

Մեկ տարի առաջ այս օրերին տեղի ունեցան «Հարսնաքարի» դեպքերը. Ռուբեն Հայապետյանին (Նեմեց Ռուբո) պատկանող ռեստորանի տարածքում դաժանորեն ծեծի ենթարկվեց զինվորական բժիշկ Վահե Ավետյանը, ով անգիտակից վիճակում տեղափոխվեց հիվանդանոց, ենթարկվեց վիրահատության, ավելի քան 10 օր բժիշկները պայքարում էին նրա կյանքի համար, սակայն ապարդյուն. Վահեի կյանքը փրկել չհաջողվեց, բորենիները շատ դաժանորեն էին ծեծել նրան, եւ հունիսի 29-ին Վահեն հիվանդանոցում մահացավ, նրա երկու մանկահասակ երեխաները որբացան ու մեծանալու են անհայր: [...]

Ֆոտոաչք

Ամռան շոգի դեմ պայքարելու միջոցները տարբեր են, օրինակ՝ երթուղայինում կարող է բացակայել մեքենայի կտուրի մի մասը: Համաձայնեք՝ վարորդի մտքի թռիչքն արժանի է ուշադրության: Հումորի նման զգացում ու հնարամտություն կարող են ունենալ միայն Գյումրիում: Ուղղակի մի բաց կա՝ բա որ անձրեւ գա՞…դե, այս դեպքի համար էլ ուղեւորներին կարելի է առաջարկել բացօթյա լոգանք ընդունել:

Ալիսա Հակոբյան